Sunday 4 November 2012

Bat San 1995 Ki Ek Raat Ki Hai. Garmi Ka Din Tha. Mera Ek Sahyogi Surendra Kr. Singh Apne Char Chhot-Chhote Bachche Aur Patni Ke Sath Mere Ghar Ke Chhat Par Vistar Laga Kar Bhojnoparant Aaram Kar Rahe The .. Idhar Mai Bhi Bhojan Kar Aaram Hi Karne Ke Taak Me Tha Ki, Ve Surti Banate Hue Mere Pas Aakar Baith Gaye .. Aksar Ve Sone Se Pahle Ghanta Bhar Mujhse Baaten Jarur Kar Liya Karte The. Shesh Kahani Mai .. Apne Comment Me Likh Raha Hun; Kyonki Mera "Browser" unsaported Hai, Jis Karan BlogIng Me Dikkat Hai


Posted by at

10 comments:

  1. Mukund Nandan's Blog4 November 2012 at 11:12

    Idhar-Udhar Ki Gappen Chhidi Hui Thi Ki, Mujhe Badboo-Si Mahsus Hone Lagi .. Maine Unhe Agaah Kiya Ki, Aapke Kisi Bachche Ne Nind Me Hi Pakhana Kar Diya Hai. Ve Aur Unki Patni Ne Sabhi Bachche Ko Check Kiya Lekin Kisi Ne Aisa Kiya Hi Nahi Tha.
    Ve Fir Aakar Mere Paas Baith Gaye. Kahne Lage Ki, Aap Ko Bhram Hua Hai. Lekin Durgandh Tha Ki Uski Tivrata Badhti Hi Chali Ja Rahi Thi. Mujhe Ubkai-Si Hone Lagi. Mai Apne Ko Asahaj-Sa Mahsus Karne Laga. Jab Bardasht Se Jyada Hone Laga, Tab Maine Unse Kaha Ki, Yah ..

    ReplyDelete
  2. Mukund Nandan's Blog5 November 2012 at 09:21

    Kuchh Gadbad Baat Hai. Mujhe Durgandh Bardasht Nahi Ho Raha Hai Aur Aap Ko Gandh Ka Ehsas Tak Nahi Ho Raha Hai. Mai ise Unse Rahasymayi Ghatna Ka Naam Dete Hue, Dhyan Prakriya Me Utarne Laga. Mujhe Kisi Ke Mantra-Shakti Ka Ehsas Hua. Mantra Ka Kat Mantra-Bal Se Hi Sambhav Hota Hai. Atah Maine Bhi Us Durgandh Ko Lakshit Kar Mantra Shakti Ka Prayog Kar Diya. Mera Aisa Karte Hi Sara Durgandh Jata Raha Aur Mujhe Chain Mili. Maine Surendra Ji Se Kaha Ki, Kisi Ne Mujhpar Aajmaish Ki Hai.
    Uska Kiya Usipar Gaya...

    ReplyDelete
  3. Mukund Nandan's Blog5 November 2012 at 09:35

    Is Baat Par Ve Jor-Jor Se Ha Ha Ha Ha Karke Hasne Lage Aur Unki Patni Bahut Mithi Avaj Me Hi Hi Hi Hi Kar Rahi Thi. Ve Kahne Lage Din Raat Aap Puja-Path Aur Tantra-Sadhna Me Lage Rahte Hai Isi Karan Yah Sab Bhram Aap Ko Hota Rahta Hai. Mujhe Unki Baaton Par Thodi Bhi Gussa Na Aaya Balki Man Me Ek Afsos Hi Hua Tha Ki, Bhartiya Vidya Ko Amal Karne Vale Vyakti Ko Yanhi Ke Log Bhramit Hua Vyakti Samjhne Ki Bhul Kar Raha Hai. Mai Kuchh Aisa Hi Soch Raha Tah Ki, Dono Pati-Patni Jor Jor Se "OYE-OYE" Karne Lage. ..

    ReplyDelete
  4. Mukund Nandan's Blog5 November 2012 at 20:57

    Ve Dono Apni-Apni Naak Band Kar Chillane Lage-"Guru Ji Aap Thik Kah Rahe The !! Yah Durgandh To Hum Sabka Jaan Le Lega .. Jaldi Kuchh Kijiye".
    Vah Durgandh Ab Un Logo Ko Satane Laga Tha.
    Mai Punah Durgandh Ko Lakshit Kar Mantra Shakti Chhoda. Durgandh Hat Gaya. Ve Dampati Chain Ki Saans Liye.
    Fir Ve Dono Kahne Lage-"Guru Ji Yah Kaisa Durgandh Tha"?
    Vastav Me Yah Ek Pret-Leela Thi ..Vah Bhi Kisi Ka Bheja Hua.
    Mai Fir Dhyan-Yog Ki Or Mukhatib Ho Yah Jan Lene Ki Koshish Me Lag Gaya Ki, Yah Kanha Se Aaya?

    ReplyDelete
  5. Mukund Nandan's Blog6 November 2012 at 04:01

    Mera Dhyan Kya Lagega ? Vah Pret To Tahalka Machane Par Hi Tul Gaya Tha ..
    Mere Sath Sab Ke Sab "Oye-Oye" Karne Lage .. Aisa Mahsus Ho Raha Tha Ki Kisi Ne Badi-Si Thaal Me Maila Bhar Kar Kah Raha Ho-"Lo Lo Kha Lo .. Kha Lo Bahut Swadist Hai".. Uske Aise harakat Se Har Koi Pareshan Ho Gaya. Mai Mantra-Bal Ke Dwara Us se Baat Kar Shanti Purvak Chale Jane Ke Liye Nevdan Karta Raha .. Lekin Vah Bhot Tang Karne Baaj Nahi Aa Raha Tha. Ant Me Kuchh Kada Nirnay Lena Hi Pad Gaya Ki, Us Ka Vadh Kar Diya Jaye. .. ..

    ReplyDelete
  6. Mukund Nandan's Blog12 November 2012 at 01:53

    Lekin Us Vakta Pret-Vadh Jin Samgryon Ki Jarurat Hoti Hai, Ve Samgri Mere Paas Uplabdha Na Tha.
    Mai Haar-Thak Kar Punah "Kala Vidya Viprit Karni" Shakti Ki Prayog Se Use Yah Kahte Hue Bhaga Diya Ki -"Jao Apne Malik Se Kah Dena Ki .. Tujhe Tere Malik Samet Vadh Kar Diya Jayega"..
    Vah Vaapas To Chala Gaya. Lekin Yah Spasht Ho Chuka Tha ki, Koi Dusht Pravriti Ki Tantra-Vidya Ka Jankar Mujhse Ladai Kar Raha Hai.
    Use Puri Tarah Se Shant Karne Ke Liye .. Uske Aagman Ka Shrot Sthal Ki Jankari Karna Jaruri Th

    ReplyDelete
  7. Mukund Nandan's Blog12 November 2012 at 02:14

    Atan Maine Us Sthan Se UthKar Idgar-Udhar Nirikshan Karne Laga. Har Jagah Ghup Andhera Tha. Chhat Se Niche Ek Sthan Par, Mujhe Vaisa-Hi Durgandh-Si Uthati Hui Anubhuti Hui.
    Mai Samajh Chuka Tha Ki Kisi Ne Tantrik Kriya Karke Us Sthan Par Koi Samgri Fenk Gaya Hai.
    Mai Surendra Singh Ko Chhat Ke Ek Kone Me Jami Hui Dhul Lane Ko Kaha. Dhul Me Bahut Takat Hoti Hai. Dhul Ko Maine "ParKrit Tantra NishFaliKaran" Mantra Se AbhiMantrit Kar Chhat Ke Upar Se Us Sthan Ko Lakshit Ka Jyonhi Fenka; Tyonhi Vah Pret ..

    ReplyDelete
  8. Mukund Nandan's Blog12 November 2012 at 02:28

    Aa Dhamka. Surendra Singh Ke Charo Bachche Gahari Nind Se Hadbada Kar Uth Baithe Aur Rone Lage. Unka Bada Ladka Bola-Kisi Ne Uske Gaal Par Jor Se Thappad Mara Hai.
    Ab Mujhe Bhi Krodh Aane Laga..Bahut Ho Gayi Pret Leela .. Ab Yah Leela Ka Anta Karna Hi Hoga.
    Is Ashay Se Maine "Pratyangira" Ka Avahan Purvak Manas Pujan Kiya .. Idhar Us Pret Ki Purvat Tanga Karna Jari Hi Tha.
    Maine "Pratyangira Brahmastra" Shakti Ka Smaran Kar .. Dhul Ko Abhimantrit Kiya Fir Use Pret Ko Lakshit Kar Uski Or Jor Se Fenka ..

    ReplyDelete
  9. Mukund Nandan's Blog26 December 2012 at 03:25

    Aisa Karte Hi, Charo Or Mans Jalne Ki Chirayandh-Sa Gandh Fail Gaya .. Is Gandh Se Sabhi Paresan Ho Uthe .. Maine Ishare Me Hi, Shant Rahne Ko Kaha. Thodi Der Me Gandh Shant Ho Gaya. Vatavaran Shant Aur Pavitra-Sa Mahsus Hone Laga. Sabhi Ne Rahat Ki Sanse Li. Vah Pret Brahmastra Ki Adrishya Agni Ke Prabhav Se Bhasma Ho Chuka Tha. Sabhi Der Rat Tak Gap-Shap Karte Hue Chain Se So Gaye.
    Aglali Subah .. Jab Sabhi Sokar Uthe To Sabhi Ne Apna Dhyan Usi Sthan Ki Or Khinch .. Jis Or Maine, .. .. .. .. ..

    ReplyDelete
  10. Mukund Nandan's Blog26 December 2012 at 18:56

    .... Kisi Ghrinit Tantra-Pryog Kiye Jane Ki Baat Kaha Tha. Sabhi Us Sthan Par Gaye To .. Avaak Rah Gaye.
    Vanha Par Lagbhag Dhayi Kilogram Pila Sarson, Sindur Aadi Rakha Hua Tha. Yah Dekh Sabhi Ne Kaha Ki, Raat Ke Andhre Ka Laabh UthaKar Kisi Ne Hamlogo Par Tantra Ki Ajmaish Ki Thi.
    Khair Jo Bhi Ho .. Us Sthan Ko Tantra-Sammat Vidhi Se Saaf Kar Ke Us Ghrinit Tantra Ki Samgri Sthaniy Nahar Me Fenk Diya Gaya.
    Bhavishy Me Punah Aisi Koi Harakat Koi Na Kare, Iske Liye Bhi Tantra Ka Vidhivat Prayog Kar Diya.

    ReplyDelete

Subscribe to: Post Comments (Atom)