🔱 Patra - Jyotishiy Samadhan Hetu Aaye Jigyasu_Gan
🔱Sthan - Nij Jyotish Karyalay
🔱Nehru Nagar, Arrah
Ghatna-Kram -
.............................Us Din Aaye Anekon Logon Ke Janma-Kundliyon Ka Adhyayan Kar Salah Dekar Mai Kinchit Vishram-Chitta Hua Tha. Lekin Salah Pane Ke Bad Bhi Jigyashu-Gan Baithe Hi Hue The. Yah Dekh Kar Maine Puchha - "Kya Ab Bhi Kuchh Jankari Pana Shesh Hai Kya?"
Tab Unhone Kaha Bas Ek Prashna Guru Ji - " In Grahopchar, Tantra Aur Sadhanaon Ke Atirikta Bhi Kuchh Aur Hai .. Jisko Ham Jivan Ka Bahu-Mulya Nidhi Ki Sangya De Sake "?
Haan Hai Na ! Maine Kaha.
Kya Guruji ?
Sajjan Vyakti Ka Darshan Aur Sannidhya Hi Is Jivan Ka Bahumulya Nidhi Hai .. !! - Maine Kaha.
Vo Kaise ?
Aapne Shayad Is Baat Par Dhyan Nahi Diya Hai .. Jis Vyakti Ki Jaisi Sangati Hoti Hai .. Us Vyakti Ki Jivan Ki Gati Bhi Vaisi Hi Hoti Hai.
Sajjan Vyakti Ko Hi Sadhu Kahte Hai .. Aur English Me Gentle-Man ......!!!!!!
Unhone Kaha - "Sabhi Manushya To Ek Samam Hi Dikhte Hai ..Fir Sajjan Vyakti Ki Pahchan Kaise Karen"?
🔱Sajjan Ya Sadhu Ki Pahchan Sirf Uske Vyavahar Ke Dwara Hi Kiya Ja Sakta Hai. Jis Vyakti Me Daya, Kshama, Sahanshilta Aur Nisswarth Ka Bhav Dikhe .. Samajh Lena Vahi Sadhu Hai ..Jisme Lobh-Moh Na Ho .. Jo Sabhi Prani Se Prem Rakhta Ho .. Vahi Sadhu Hai..Aise Hi Sajjan Yah Sadhu Ke Darshan Se .. Sangati Se Jivan Ko Uttam Gati Milti Hai Aur Jivan Me Sarvangin Vikash Sambhav Ho Pata Hai "
"Sajjan Ya Sadhu Ki Sangati Ya Darshan Ke Labh Milna Kitna Prabhavi Aur Pramanik Hai"- Unhone Puchha !
Maine Kaha -"Chahe Koi Lakh Bhala-Manushya Ho ..Fir Bhi Vah Choron Ki Sangati Karega .. Ek Din Us Bhale-Manush Ko Bhi Choron Ke Sath Karavas Lena Padta Hi Hai. Vaise Hi Koi Lakh Nikrisht Ho Ya Nikrisht Jiv Ho Usko .. Sajjan Ya Sadhu Ke Darshan Ya Sangati Ke Labh Milte Hi Hai.
Narad Muni Ke Man Me Yahi Prashna Utha Tha To Ve Bramha Ji Se Puchhe -" He Taat ! Sajjan Purush Ke Darshan Ke Kya Labh Hai "? ...Brahma Ji Kuchh Der SochKar Bole Iska Uttar Aap Mahadev Se Jano ..Ve Ja Pahunche Mahadev Ke Pas .. Mahdev Prashna Ka Uttar Jan ne Ke Liye Vishnu ji Ke Pas Jane Ko Kaha.
Narad Ji Vishnu ji Ke Paas Jakar Yahi Prashna Kiya To Vishnu Ji Muskurate Hue Kaha-"Kashi Me Ganga Nadi Ke Kinare Kichad Me Ek Kenchua Hai .. Uske Paas Jakar Apne Prashna Ko Puchho.
Narad Ji Ja Pahunche Kashi Ganga Kinare Kenchue Ke Paas Aur Apna Prashna Kiya. Yah Sunkar Kenchua Ne Narad Ji Ko Bharpur Najar Se Dekha Aur Mar Gaya. Narad Ji Jhunjhalaye Man Se Yah Bat Vishnu Ji Ko Batlayi Aur Jid Pakad Liya. Tab Vishnu Ji Ne Ek Sal Bad Uttar Milne Ki Baat Kahi. Ek Saal Bad Vishnu Ji Ne Narad Ji Se Yamuna Nadi Ke Kinare Vicharan Kar Rahe Sarp Se Prashna Karne Ko Kaha.
Narad Ji Ne Aisa Hi Kiya. Par Vah Saro Bhi Narad Ji Ko Bharpur Najar Dekha Aur Mar Gaya.
Ab Narad Ji Aur Jyada Jid Pakad Liye. Ek Saal Bad Vishnu Ji Ne Mansarovar Me Hans Se Yah Prashna Puchhane Ko Kaha.
Narad Ji Ne Aisa Hi Kiya Aur Vah Hans Bhi Narad Ji Ko Bharpur Najar Dekhte Hue Deh Tyag Diya.
Ab To Narad Ji Kafi Jhunjhla Chuke The .. Vishnu Ji Ne Saal Bhar Bad Nishchit Rup Se Uttar Mil Jane Ka Aashvasan diya.
Saal Bhar Bad Vishnu Ji Ne Swayam Kaha-"He Narad ! Aap Kashi Ke Raja Ke Navjaat Rajkumar Se Yah Prashna Jakar Puchho."
Narad Ji Ab Dar Rahe The Kanhi Isbar Rajkumar Bhi Na Mar Jaye .. Par Bhagvan Ke Aadesh Par Ve Kashi Ke Raja Ke Pas Pahunche. Kashi Ke Raja Narad Ji Ko Aadar Sahit Unhe Navjat Shishu Ke Pas Le Gaya. Narad Ji Ne Us Bachche Se Prashna Kiya. Bhagvan Ki Kripa Se Navjaat Bachche Ki Kantha Khul Gayi Aur Vah Bolne Laga-"He Narad ! Purva -Janma Me Mai Ek Kenchua Tha. Us Samay Mai Aapke Darshan Pakar Us Yoni Se Mukta Hokar Sarp Yoni Me Janma Liya. Usme Bhi Aapke Darshan Hue To Us Yoni Se Mujhe Mukti Mil Gayi Aur Mai Hans Yoni Me Gaya. Usme Bhi Aapke Darshan Hue. Parinam-Swarup Mujhe Hans Yoni Se Bhi Mukti Mil Gayi. Aur Ab Mai Shreshtha Yoni Manav Yoni Me Janma Liya Vo Bhi Uchcha Kul Aur Raja Ke Ghar Me Janma Liya Hai. Isme Bhi Aapke Darshan Ho Gaye. Ab Mai Is Yoni Me Bharpur Sukhi Jivan Jiunga Aur Fir Is Yoni Se Bhi Mukta Hokar .. Vaikuntha-Lok Chala Jaunga.
Ab Narad Ji Ko Apne Prashna Ka Uttar Mil Chuka Tha.
Mukund Nandan: Mai Un Tamam Jigyasuon Ko Dekha .. Ve Santusht Najar Aa Rahe The .. Fir Bhi Ve Kuchh Kahna Chah Rahe The .. Par Kuchh Bol Nahi Pa Rahe The.
Maine Aage Kaha -"Narad Ji Ko Ek Prashna Ke Uttar Pane Me Varshon Lag Gaye ..Par Aaj Manushya Aanan-Faanan Me Turant Hi Sab Kuchh Pa Lena Chahte Hai. Aisa Hona Sambhav Bhi Hai Aur Nahi Bhi .. .. !!
Atah Manushya Ko Dhairya Aur Sthir-Chitta Ke Sath Apne Sarthak Lakshya Ki Or Lage Rahana Chahiye. Tabhi Safalta Prapt Hoti Hai .. Jivan Sukhi Hota Hai.
🌺 Aapke Liye Anya Mahatva-Purna Jankari Yanha Bhi Hai -
🔱Clik Karne Yanha 👉 http://mukundnandan.wordpress.com
🔱Aur Yanha 👉 http://yormukund.wordpress.com
🔱 Aur Yanha 👉 http://yormukund.blogspot.com
🔱 Aur Yanha 👉 http://facebook.com/mukund.nandan
Aalekh Sabhaar -
Jyotish Tantra Vastu Shodh Sansthan
(Ujwal Bhavishya Darshan)
Khetari Nehru Nagar
Arrah - 802301
Bhojpur, Bihar.
Ph.-09334534189
