RAHASYAMAYI NILI ROSHANI

 

Yah Taja Tareen Sachchi Ghatna Hai .Jab N. M. M. Lane, Howrrah Ke Afsar Ali Ne Kaha Ki, Ek Bar Fir Se Aap Mere Horoscope Ka Parikshan Kar Kuchh Upay Den, Tab Maine Apne RatriKaleen Dhyan Kriya Ke Dauran Afsar Ali Par Dhyan Kendrit Kiya. Dhyan Ki Avastha Me Afasar Ali Ke Samne Mujhe Ek Nila Roshani Sa Mahsus Hua, Afasar Ali Aage Kuchh Dekhne Ya Pane Ki Koshish Me Lage Hue Hai Par, Vo Nila Prakash Gahare Rang Me Badalta Chala Gaya, Us Gahare Nile Rang Ke Karan Afsar Ali kuchh dekh Nahi Pa Rahe The. Jiske Karan Ve Har Thak Kar Aage Dekhne Ya Pane Ki Koshish Chhod Dete Hai.

Afasar Ali .. Mere Purane Parichit Me se Ek Hai .. Jo Samay Samay Par Mujhse advice Lete hi Rahte Hai. 

Agale Din, Uprokta Bat Dhyan Me Rakhte Hue Fir Se Unki Janma Kundali Ka study Kar Unhe Advice De Diya. Ve Aanan-fanan Samgri Ke Order De Dale .. Par Idhar Unki Samgri Banane Aur Siddha karne Me Bhi Pareshani-si Aane Lagi Par samgri Aur Badhiya aur Powerful Dhang Se Taiyar Kar Unke Adderess Par Bhej diya Gaya.

Budhvar Ko Unko Pahli samgri Prayog Me lana Tha .. Ve Teliphonik Contact Me Bane Hue The .. Ve kah Rahe The Ki, Ring Ke Andar Aapka Chehra Dikh Raha Hai Aur Aapke Sath Koi Stri Bhi Hai .. Kripya Aap Line Par Bane Rahe .. Mai Yah Ring Pahan raha Hun  .. Lijiye Maine Pahan Liya.
Agali Karvahi Shukravar Kiya janaaa Tha Aur Fir Somvar Ko .. Mujhe Unke Taraf Se Kuchh Bure Sanket Aane Shuru Ho .. Jaise Siddha Ki Gayi Samgri Ko Koi shakti .. Nasht Karne Ki Koshish Kar raha hai .. Mere Dwara Di Gayi Samgri Ko Koi Shakti Ganda Karne Ki Koshish kar raha Hai. Vah Negative Shakti siddha Samgri Dene vale Tak Bhi pahunchne Ki, Koshish Kar raha Tha .. Aisa mahsus Hote Hi Maine Afsar Ali Se Teliphonic Contact Bhi Band Kar Dena Uchit samjha. PAR LREKIN ...
RAVIVAR  14 Dec. 2014 KE SANDHYA SAAT BAJE ...... Mai Apni Bycycle Se Kuchh Local Kaam se Bahar Nikla .. Ghar Se Kuchh Dur Jane Ke Bad Pahala Mod Ke Paas Ek NILA ROSHANI Sa Dikhlayi Diya .. Mai Jab Usko Gaur Se Dekha To Vah Gayab Ho Gaya. Bhram Tha Aisa Soch Kar Aage Mai Badh Gaya .. Aage Sapna Cinema Road Par Aane Se Pahle Hamare Muhalle Ki Gali Par Hi Ek Breaker Bana Hua Hai .. Us Breaker Ke Pas Mujhe Vah NILA PRAKASH Fir Se Dikhayi Dene Laga Aur Mai Bycycle Se Aage Badhata Hi Chala Ja Raha Tha Ki, Bearker Ke Pas Pahuncha Hi ThaHi Tha Ki, Achanak Ek Motercycle Mere Samne Aa Gaya. Mujhe Jaldi Me Bycycle Me Break Lagani Padi. Mer Bycycle Ka Aage Ka Pahiya Breaker Ko Par Kar Chuka Tha Aur Pichhala Pahiya Abhi Breaker Ko par Karna baki Hi Tha Ki, Vah NIla Roshani Gahara Hote Hue .. Mere Aankho Ke Samne Aa Gaya. Mujhe Jamin Thik Se Dikhi Nahi .. Maine Jamin Par Panv Tikane Ki Koshish Hi Kiya Tha Ki, DHADaaammm Se Gir Pada .. Mujhe Danyi Panv Me Kafi Chot Aa Gayi .. Logon Mujhe Sahara Dekar Uthaya. Pairon Me Kafi Dard Ho Raha Tha Aur Mujhe Apne Pairon Par Khada Hone Me Bhi Pareshani Ho Rahi Thi. Khair Maine Himmat Kar Aage Apne Kaam Par Chala Gaya.
Vapas Lauta To Fir Se Unki Jaqnma Kundali Ka Tantra Ke Drishtikon Se Study Kiya Aur Ratrikaleen Dhyan Ke Dauran Aur Bhi Bat Jan ne Ki Koshish Kiya To Nimna Baten Samne Khulkar Samne Aayi -

1. Inke Pita Ya Dada Ke Jamane Me Sampatti Ko Lekar Lafada Tha. Jis Karan Inke Avasiya Sthal Par Kala-Jadu Karke Daba Diya Gaya Hai.

2. Ye Aur Inke Mata-Pita Bad-Dua Ke Bhi Shikar Hai .. Bad-Dua Dene Vale Vyakti Ka Juban Par Kala Dag Ya Teel Tha.

3. Inki Janma-Kundali Me Bhi Unnati Me Badha Dene Vale Bahut Sare Prabal Yog Hai.

4. Ye Janha Par Rah Rahe Hai .. Vah Kisi Shaitan Ke Chhaya Ke Giraft Me Hai. .. .. ..

In Sab Baton Ko Dekhte Hue Filhal Maine Afsar Ali ko Agale 43 Dino Tak Teliphonic Contact Bhi Band Rakhne Ko Kaha Hai ; Kyonki Upay Karne Par Kala-Jadu Ki Takat Aur Shaitan Dono Hi Mujhpar hi chot Kar Raha Hai .. Mera Aisa Karna Bhi Upay Karne Ka Ek Part Hi Hai.

Sabhaar : Mukund Nandan
Mobile : 09334534189
Anya Lekh Aur Sachchi Kahaniyan -
TANTRA - http://mukundnandan.mywapblog.com

JYOTISH - http://mukundnandan.wordpress.com
PAGE - http://facebook.com/689268421138321

MAI KYA AACHH VALA-MAACHH VALA SE SHADI KARUNGI

A REAL N TRUE STORY -

Baat un dino Ki hai jab Mai Pravas me Tha. bahut Sare Log apni-apni alag-alag Samasya ke sath Aate Aur samadhan Hetu Upay aur Upay Samgri Mangte The. Unhi Me se Ek sachchi Ghatna -

Patra Ka Naam - Jharna Dey
Ghatna Sthal - Pakur, Jhadkhand
Ghatna Avadhi - Kuchhek Saal pahle ....

Vo Bahut Pareshan Sa Thi. Kisi Baba-Tantrik Ne Kah diya tha Ki, Iska Saubhagya Kisi Aur Ne Tona Karke Chhin Liya Hai aur To aur bahut Upay Karne ke Baad Bhi Shayad Hi Dubara Saubhagya Jagrit Ho .. !!

Is Baat ko Ve sach Maan Baithe The aur isi Karan aur Jyada Mansik Pareshani Ki Daur se Gujar Rahe The. Pareshani Bhi Mahsus Kyon Nahi Hota ? Aakhir Ve Log Bhi To Kai Varshon se Isi Samasya Se Jujh Rahe The.

Aakhir Samasya Kya Thi ?
Unki Samasya Kuchh is Prakar thi ...... Pahle To Ladke Vale Aa Bhi Rahe The .. Par Ladki Dekh Kar chup Laga Ja Rahe The .. Aage Koi Batchit Nahi Badh rahi Thi. Par Ab to, Koi Rista Na to Aa Raha Hai Aur Na Hi, Kanhi Se Koi Rista Hi Mil raha Hai.

Matlab Mamla ladki Ki shadi Ka Tha. Maine Mamle par Gaur Farmaya Fir Kuchhek Ring Aur Kavach Diye. Upay Samgri Ko Prayog Me Lane Ke kuchh Hi samay Ke Baad Sakaratmak Parinam Samne Aaya.

Tin Ladke Valon Ke Taraf Se Rista Aaya .. Pahla Ladka Bakary factory Ka Malik Tha .. Dusra Ladka Bade Dukan Ka Malik Tha Aur Tisara Ladka Daroga Tha.

Sakaratmak Parinam Samne Aate Hi Jharana Ki Maa .. Jharna Ke sath Mere Paas Aakar Kahne Lagi - " ladke Vale Jhadna Ko Dekhne Ke Liye Sunday Ko Aa Rahe Hai .. Sab Ke Sab ek Hi Din Aayenge .. Sunday Ko Chhutti rahta hai .. Mai Chahti Hun Ki, Daroga Dekhe To Jhadna Ko Pasand Kar Le .. Kuchh Aisi Tantra Samgri Do Ki, Yah Kaam Ho Jaye. "

Muskura Kar Jhadna Ki Or Dekha to Jhadna Tapaak Se Bol Padi -" Mom Thik Kah rahi Hai .. Mai Paav Vala .. Dukan Vala .. Aachh Vala .. Maachh Vala Se Shadi Karungi Kya ?"

Mere Man Me Khyal Aane Laga .. "  Ye Ladki Kaise Bol Rahi hai ? .. Pahle To Ise Koi Puchh Bhi Nahi raha Tha .. Ab Kis Tarah Ghamand Se bol Rahi Hai .. Kanhi Iska Haal Us BAGULE Ke Tarah Na Ho Jaye .. Jo Ghanto Talab Ke Kinare .. Machhaliyon Ko Pakadne Ke Liye Intajaar Karta hai .. Ki Achanak, Machhaliyon Ka Ek Jhund Uske Samne Aa Jata Hai. . Vah Sochne Lagata Hai .. Mai Sab Se Moti Macchali Pakad Kar Khaunga .. Vah Us Jhund Me sabse Moti Machhali Khojne Lagta Hai .. Uske Is Khoj Prakriya Me Kuchh Samay Gujar Jata Hai .. Aur Sari Machhaliya Bhag Jati Hai .. "

Kya sochne Lage ? - Uski Maa Ne Toka.
Kuchh Nahi .. !! Bas Sunday Ko Subah Upay Samgri Lene Aa Jana .. !!

Sunday Ko Vo Upay Samgri Lene Aayi. Mai "Attar-Mohani"  Aur "Prachand Vashikara Kaajal" dete Hue Kaha .... Jo Ladka Pasand Ho ,, Uske Samne Jane Se Pahle Attar Mohini Apne Vastra Par Laga Lena Aur Is Siddha Kaajal Lagane Ke Bad Najar Bhumi Par Hi rakhna .. Jab Ladka Samne Aaye .. Sidha Najar Utha Kar Sirf Ek Nigah Usi Ko Dekhna .. Kisi Aur Ko Nahi .. Kahne Ka Matlab Ki, Kaajal Lagane Ke baad Pahli Najar Sidha Ladke Par Hi Pade .." 

Sujhav Aur Samgri Lene Ke Baad Ve Chale Gaye.

Us Din Sabse Pahle Daroga Ladka Aane Vala Tha. Isliye Jhadna Apne Vastra Par attar Mohini Lagaya Aur Ladke Ke Samne Jane se Pahle Aankho Par Prachand Vashikaran Kaajal Ko Lagaya. Fir Bari-Bari Se Anya Dono Ladke Bhi Aaye.

Sare Ladake Valon Ke Chale Jane Ke Baad Shaam ko Yah Baat Khulkar Samne Aayi Ki, Pahla Ladka Bakery Company Ka Malik Tha .. Dusra Ladka Dukandaar Tha .. .. Aur Tisara Ladka Tha Daroga.

Ab Parinam Aane Ka intjar Tha .. Shop Ka Malik Aur Daroga Ke Taraf Se Vishesh Pratikriya Nahi Mili .. Par Bakery Company Ke Malik Ladka ke Taraf Se Sakartmak Jawab Aa Gaya. Par Jhadna Is Ladke Se Shadi Karne Se Inkar Kar Diya .. Mai Aachh-Maach Vala Se Shadi Nahi Karungi. Logon Ne Bahut Samjhaya Par Usne Kisi Ka Na Suni.

Udhar Ladke Valon Ki Or Se shadi Ke Liye dawab Badhta Chala Ja Raha Tha. Is Bich Kuchh Loh Aise Bhi The .. Jo Us Ladka Aur ladki dono Hi taraf Se Najdiki The. Ladke Par Is Ladki Se hi shadi Kar Lene Ki dhun-si Sawar Ho Gayi thi. Jo Log in dono Paksha Ko Jante The Ve Mujhe Bhi Jante The .. Un Logon Ne Batlaya Ladka Shadi Karne Ke Liye Itna Utavala Hai Ki, Jis din Se Vah Yah Suna Hai, Ki. Ladki Shadi Se Mana Kar di Hai .. Us Din Se Vah Thik Se Na To Khata Hai .. Aur Na Hi Kisi Se Thik Se Batchit Hi Karta Hai .. Bas Khoya-Khoya sa rahta Hai .. Ghar Valon Ka Kahna Hai Yadi Yahi Halat rahi to Ladka Pagal Ho Jayega. In Logon Ko Tantra-Prayog Kiye jane Ki baat ki Bhanak Lag gayi thi. Yah Baat inlogon Ne Ladke Ki Mata-Pita Ko Batla di Thi. Us Ladke Valon Ki Or Se yah Gujarish Ki Gayi Ki, Yadi Kisi Prakar Ka Yah Tantra Ka Prabhav Hai to, Iska Kaat Karne Ka Bhi Tantra Hoga .. .. Tab Unlogon Ne Tantra Ke Prabhav Shant Karne Ka Upay Shamgri Inhi Logon Ke Madhyam se Mangvaya. Kuchh Samay Baad Ladka Samanya Sthiti Me Aa Gaya Tha. Iske Kuchh Hi Samay Baad Mai Pravas Se Laut Aaya.

Bahut Samay Bit Jane Ke baad .. ..Gahtna Sthal Se Teliphonic Batchit Vanha Ke Kuchh Logon se Hui .. Pata Chala Ki, Jhadna Ki Shadi Ho Chuki thi .. Par Kiske Sath ? Yah Baat Spasht Nahi Ho Payi.

Sabhaar : Mukund Nandan
Mobile : 09334534189

Anya Lekh -
@ .. http://mukundnandan.mywapblog.com

@ .. http://mukundnandan.wordpress.com

TARIKH HAJARON SAAL KI

Tarikh Hajaron Saal Me
Bas Itni Si Badli Hai .. ..,

Tab Daur Patthar Ka Tha
Ab Log Patthar Ke Hai .. !!

Sabhaar : Mukund Nandan
Mobile : 09334534189

YOUR MUKUND NANDAN is here also -
1.  http://mukundnandan.mywapblog.com

2.  http://mukundnandan.wordpress.com

TANTRA BAL SE VASH ME KAR KAMNA PURTI

Yah Ek Satya Ghatna Hai.

 Uska Pati Militery service kar raha tha. Uski Baat Baat Par Haath Chalane aur galiyan Dene Ki Aadat thi. Uski patni Kiran Uske is Aadat se Pareshan ho chuki thi.
Kiran ka mayka Arrah, Bihar Me hai. Uska Pati Madhya Pradesh ka rahne vala tha. Uske Pati Ka Militery Service Ka Aakhiri Padav Aa Chuka tha Artharth ab avkash milne ka Samay Aa chala tha.
Isi Darmyan, Vah Arrah apne mayke Aayi. Aur apni Samasya Lekar Mere Pas Aayi aur Samadhan-upay manga.

Aapne Samadhan is Prakar Manga -

Aapne Purvokta baten Batlane Ke Atirikta .. Yah Kaha Ki, aapka Pati Avakash Lene ke Baad Vah Apne Ghar Vaapas Jane Ke Bajay, Vah Uska Kaha Mankar,  avkash Lene ke Bad, apne Parivar ke Sath Bihar Me Hi Rahe.

Vashikaran aur ek aur tantra ki Samgri Taiyar va siddha Ki Gayi. Saatven din siddha Samgri Dekar .. Prayog Karne Ki sari Vidhi samjha di Gayi. Do-ek roj Ke Bad Vah Apne Mayke Se Pati ke service Par Chali Gayi. Teen Mahine Baad Uske Pati Ka Retirement Hone Vala tha.

Uske Jane Ke baad samay samay par vah Phone karti rahi .. aur batlati rahi ki, uska pati shak kar raha hai ki, kanhi kuchh gadbad hai .. vah dinbhar ghar ka saman ulat-pulat kar kuchh khojta rahta hai. Samaya Aage Badhta Chala gaya. Uske Phone aane Band Ho Gaye.

Samgri Diye Jane Ke Karib Paanch Maah Bad Vah achanka Mujhse Aakar Mili. uska Chehra khila hua tha. Usne batlaya ki, Uska Pati Uska Bat Mankar Patna, Bihar Me apne Parivar ke sath Rah raha hai.

Sach Hai, Sahi Nirdeshan Me satik Vidhi Se Sahi tantra Aur Tantra Samgri ka Upyog Kiya jaye to Manokamna Avashya HI Puri Ho Jati Hai .. Jabki ghanton Puja Karne .. Mandiron Me Ghantiyan Bajane Se Bhi Sapne Pure Nahi Hote.

Kahne Ka Matlab Yah Nahi Ki, Bhagvan Nahi Hai .. Kahne Ka Matlab Hai Ki, Sahi Vidhi Ke Sath Puja-Aradhna karne Par Hi Fal Ki Prapti Hoti Hai.
Devta To ... Har Vakta Manushyon Par Sab Kuchh Lootane Ko Taiyar rahte Hai .. Sabkuchh Dene Ko Taiyar rahte Hai ... Bas Shart Hai ki, Aapme Loot Pane Ki Taakat Ho Aur Mangane Ki Tarika Ki Jankari Ho.

SABHAAR : Mukund Nandan
Mobile : 09334534189

Anya Lekh : http://mukundnandan.mywapblog.com
..................: http://mukundnandan.wordpress.com
.
.

A STORY : RAAJ LAXMI KI KRIPA SE BHARAT SINGH KO AISHVAIRYA PRAPTI

KUCHA SAMAY PAHLE EK VYAKTI MERE PAAS AAYA. MAI UNHE PAHCHANTA NAHI THA. UNHONE APNA PARICHAY DIYA -" MERA NAAM BHARAT SINGH HAI. MAI AMUK RAAJNAITIK PARTI KA SADASY HOON. MAINE KAI VARSH TAK RAJNITI KI HAI .. SAMAJ SEWA KI HAI , PAR KOI KHAS UNNATI MERI NAHI HO PA RAHI HAI. PARTI KARY KARTA KE RUP ME MERI KAFI PRATISHTHA AUR YASH BHI HAI."

MAINE PUCHHA - " KYA AAPKI JANMA-KUNDAL HAI ?"
"LEKAR TO NAHI AAYA HUN .. PAR ORIGINAL DATE OF BIRTH MALOOM HAI .. JISKA VYORA IS PRAKAR HAI -
DATE - 20 JULY 1966
TIME - 04 : 29 AM
PLACE - A ...H .. .. .. .. MAI RAJNITI ME UNNATI KARNA CHAHTA HUN YA FIR AAP JAISA AADESH DEN."

KUNDALI BANAYI GAYI .. JISKA GRAH STHITI IS PRAKAR THA :
LAGAN - MITHUN
RASHI - KARKA
LAGNA ME - MANGAL, GURU, SHUKRA
DWITIY BHAV ME - SURYA, CHANDRA AUR VAKRI BUDH
PANCHAM BHAV ME - KETU
DASHAM BHAV ME - SHANI VAKRI
LAABH BHAV ME - RAHU .. .. .. BAKI BHAV RIKTA.

MAINE GRAHON KI STHITI PAR GAUR KIYA. GRAHANSH KE ANUSAR PARIKSHAN KIYA. MAHADASH, ANTAR DASHA, PRATYANTAR DASHA AUR SUKSHMA ANTAR DASHA PAR BHI GAUR FARMAYA TO PAYA KI UNHE , UNKE APNE AADARSHON KE KARAN KAFI PRATISHTHA MILEGI PAR UNNATI NA HOGI. NETRITVA INKE LIYE AISHVAIRYA DAYAK NAHI THA. INKI SAB SE BADI KAMJORI .. INKE JANMAANG ME NAJAR AAYI KI, YE SAFALTA KE NIKAT PAHUNCH JANE KE BAAD PURI SAFALTA HASTGAT KIYE BINA HI APNI GATIVIDHI DUSARI OR MOD LETE HAI.
CAREER KE LIYE SAFAL KSHETRA KI JANKARI MAINE IS PRAKAR DIYA :

KISI BADI COMPANI SE SAMPARK SADHEN. ASSOSIATION, SARVJANIK SANSTHAN, COA/KOYLA, PURATATVIK VASTUEN, JAHAJ, TEL PARISHODHAN, UTKHANAN, VIDUT SE SAMBANDHIT KSETRA AADI.

MAINE GRAH YOG KE ANUSAR TEEN SIDDHA KIYE HUE RING JISKA NIRMAN KHARCH 7700 Rs. AUR "SIDDHA RAAJ LAXMI KAVACH' ( CHANDI KI TABIJ ME) JISKA NIRMAN KHARCH 5100 Rs. KO DHARAN KARNE KI SALAH DIYA.
VE TEENO RING KI NIRMAN KHARCH USI VAKTA DE DIYA AUR KAVACH NIRMAN KAR DENE KA NIVEDAN KAR KE CHALE GAYE.
EK SAPTAH BAAD VE PURI KHARCH RASHI DEKAR .. SARI SAMGRI AUR ADVICE PATRA LE GAYE.
TEEN DIN BAAD VE MILE TO KAHNE LAGE .. RING DHARAN KARNE KE BAAD SE KABHI-KABHI KAFI GHABRAHAT-SI MALOOM HOTI HAI .. MERE SOCH ME BADLAAV SA AA RAHA HAI .. MUJHE AB LAG RAHA HAI KI, MAINE APANA SAMAY VYARTH HI GANVAYA HAI. MUJHE AAPKE BATLAYE RASTE PAR CHALNA CHAHIYE. RAAJ LAXMI KAVACH VIDHIVAT DHARAN KARNE SE AATM-SANTOSH-SANMAAN KI BHAVNA ME  VRIDDHI HUI HAI. MAI KAFI SHRADDHA-BHAKTI SE RAAJ LAXMI KI UPASNA KAR RAHA HUN.

SAMAY BITATA CHALA GAYA. BHARAT SINGH KAFI LAMBE SAMAY SE MERE PAAS NAHI AAYE THE. LAGBHAG NAV-DAS MAHINE BIT GAYE HONGE . MAI SANDHYA KAAL ME PADI GRAM KI OR JA RAHA THA TO .. GADIYON KI EK KAFILA AATI NAJAR AAYI .. UNME SE EK GADI RUKI TO SATH ME SARI GADIYAN BHI RUK GAYI. US CHAMCHAMATI CAR SE NIKALE BHARAT SINGH AUR JHUK KAR ABHIVADAN KIYA KAHA -" MAINE AAPKI SALAH KO MAAN LIYA AUR MAINE COAL FIELD ME PRAVESH LE LIYA .. YE GADIYON KI KAFILA MERI HI HAI .. MAI TULNATMAK DRISHTI SE AB KAFI THIK HUN. SAB AAPKE AASHIRVAD SE YAH SAB HUA HAI. MAI ABHI JALDI ME HUN .. UDHAR SE LAUT KAR AAPSE MILTA HUN"........ GADIYON KI KAFILAA AAGE BADH GAYI.
AAJ VE KAFI AISHVAIRYAVAN HO CHUKE HAI. AB VE KAFI VYAST JIVAN BITA RAHEN.

SABHAAR : MUKUND NANDAN - Jyotish Tantra Vastu Visheshagy
Mob. : 09334534189

DURGA SAUBHAGYA JAGARAN PRAYOG SE SHIGHRA VIVAH SAMPANNA HUA

GHATNA STHAL - ARRAH,BIHAR

PATRA - EK YUVA KANYA

GHATNA AVADHI - SAN 2013 ISHVI

MUKHYA SAMASYA - VIVAH ME BANTE - BANTE BAAT BIGAD JANA.

GHATNA KRAM -

"KYA NAHI HAI MERE PAAS .. DHAN-DAULAT HAI .. SARE AISHO-AARAM KI SAADHAN HAI .. MERI LADKI PADHI LIKHI AUR BAHUT KHUBSURAT HAI .. PAR NA JANE KYON LADKE VALE .. USKO DEKHNE KE BAAD .. TAAL-MATOL KARTE HUE .. SHADI KARNE SE INKAAR KAR JATE HAI .. "
YAH BYATHA-GATHA HAI .. ARRAH SHAHAR KE EK BADE VYAVSAYI KE .. VE APNI PUTRI KE LIYE KAYI SAAL SE SHADI KAR DENE KE LIYE PRAYASRAT HAI.

MAINE PUCHHA KYA AAPKE PUTRI KI JANMA KUNDLI HAI . UNHONE DO TOOK UTTAR DIYA - NAHI .. HAMARE GHAR ME KUNDLI NAHI CHALTI.

"TAB SAMSYA SAMADHAN DENE ME MUJHE KUCHH PARESHANI MAHSUS HOGI. KHAIR THIK HAI .. AB MAI MAA DURGA KA EK VISHISHT TANTRA KA PRAYOG DE RAHA HUN .. ISKE PRABHAV SE MATA JI KI KRIPA KA ANUBHAV SHIGHRA HOGA." - MAINE JAWAB DIYA.

VAH KANYA 9 DIVASIY VRAT KE NAAM PAR KUCHH GHABRAYI JARUR THI PAR, USNE SAMBHAVTAH SAMSYA KO DHYAN KAR .. SADNA KAR LENE KO THAN LEE.

MERE BATAYE HUE NIYAM KA PALAN KARTI HUI VAH KANYA .. BHUMI PAR MITTI KE DHERI TAIYAR KAR .. USPAR KUCHH JAU DAAL DIYE .. FIR JAL KI HALKI FUHAR DALNE KE BAAD .. USKE UPAR TAAMBE KI KALASH STHAPIT KIYE FIR .. KALASHA KE UPAR EK PATRA RAKH KAR .. ATUT ARAVA CHAVAL RAKHE .. USKE UPAR GHRIT KA DEEP RAKHE.
ISKE BAAD "SAUBHAGYA MANTRA SE ABHIMANTRIT VA PRAN PRATISHTHIT DURGA YANTRA" APNE SAMNE STHAPIT KAR PANCHOPCHAR SE PUJAN KAR .. DURGA SIDDHA MALA SE MANTRA JAP AARAMBH KIYA. 7 MALA PRATIDIN JAP KARTE HUE .. USNE 9 DIN KA VRAT PURA KAR LIYA FIR EK MALA SE HAVAN KAR .. SAMGRI NADI ME VISARJIT KAR DIYA.

IS SADHNA KE BAAD US KANYA KE AANKHON ME EK ADBHUT SI CHAMAK UTPANNA HO GAYI .. VAH JISKE OR BHI NIHAR DETI VAH TAKTAKI LAGAKAR USKI OR DEKHTE HI RAH JATA .. USME ADBHUT SAUNDARY NIKHAR SA GAYA.

TEEN MAHINE BAAD,

VAH VYAVSAYI ATI PRASANNA MUDRA ME HANSTA HUA MERE PAAS AYA AUR KADMO ME JHUKTA HUA BOLA -"PUTRI KI VIVAH EK SUNDAR VAR KE SATH TAY HO GAYA HAI .. KUL-KHANDAN BHI KAFI ACHCHHA HAI."

VAH NIMANTRAN PATRA KE SATH, VASTRA AUR NAKAD RASHI NYOCHHAVAR KARTE HUE .. VIVAH KI TITHI PAR AANE HETU KAHTA HUA CHALA GAYA. SACHMUCH BADE HI DHUM-DHAAM SE VIVAH SAMPANNA HUI THI. USKA VAR BHI KAFI SUNDAR AUR DIL-DAUL VALA THAI.

US KANYA KE UPAR SACHMUCH DURGA MATA KI, ASEEM KRIPA HUI THI.

SABHAAR : Mukund Nandan - Jyotish Tantra Vastu Visheshgy.
mob. - 09334534189

JAB MAINE SHRI CHITRAGUPT MAHARAJ KO PRTYAKSHA KARNE KE LIYE TAP-SADHNA KIYA THA

GHATNA STHAL - AADAMPUR, PUNJAB
VARSH - KUCHH SAAL PAHLE

UN DINO MAI PUJAB ME PRAVAS KAR RAHA THA. BAHUT HI KHALI SAMAY MERE PAS THA. AKELE ME CHNTAN MANAN KARTA RAHTA THA. EK DIN MERE DIMAG ME EK PRASHNA AAYA KI, SHRI CHITRA GUPT JI MAHARAJ KI PUJA-ARCHNA SIRF SAAL ME EK BAR HI KYUN KI JATI HAI .. INKE ARADHNA .. SHIV, VISHNU AADI KE TARAH SALO BHAR KYUN NAHI HOTI ? ... AADI ANEK AISE SAWAL THE JO MUJHE PARESHAN KAR RAHI THI.

IS UDHED-BUN NE MUJHE KALAM AUR KAGAJ UTHA LENE KE LIYE MAJBUR KAR DIYA. MAI APNI CHINTAN AUR ANUBHUTITON KO KALAM-BADDHA KARNE LAGA. ACHANAK MUJHE KHYAL AAYA KI, CHITRAGUPT PUJAN ME DEVI PUJAN EK ABHINNA ANG HAI. MAI SOCH RAHA THA KI, MATA KALIKA KE GALE ME KITENE MUND HAI ? ... UTTAR AAYA - 52 .. YAH 52 SAPTAH PURE SAAL BHAR ME HOTE HAI .. TANTRA ME BAAVAN-VEER HAI .. MATLAB MAHARAJ CHITRAGUPTA KA 52 ANKA SE GAHRA SAMBANDH HAI.

AISA VICHAR AANE PAR MAI PUNAH CHITRAGUPT MAHARAJ KE VISHAY ME CHINTAN DHYAN KARNE LAGA. JYON-JYON DHYAN CHINTAN KARTA GAYA .. TYON-TYON MERE KALAM BAR-BAR UTHATE RAHE .. AUR MAI MAHARAJ CHITRAGUPT KE KARYANUSAR .. UNKE GUNO KE ANUSAR .. UNKE EK-EK NAAM MERE MAN ME UBHARTE CHALE GAYE .. AUR MAI USE KALAM-BADDHA KARTA HI CHALA GAYA. ... KUCHH HI DER ME TAIYAR THI - BAAVANA NAAMO KI STOTRA. MAINE SWA-NIRMIT 52 NAAM-STOTRA SE BHAGVAN CHITRAGUPT KI ARCHNA-PUJAN KI. ISKE BAAD MERE MAN ME AGLI VICHAR NE PRAVESH KAR LIYA AUR FIR AGLI KARYA KARNE HETU PRERIT KARTNE LAG GAYA .. !!

MAINE US PRERNA KI OR DHYAN KIYA TO ICHCHHA JAGRIT HUI KI, MAI CHITRAGUPT MAHARAJ KI PRATYAKSHIKARAN HETU TAP-SADHNA KARUN. BAS FIR MAI INKE VISHESH MANTRA AUR VIDHI PAR ANUSANDHAN KARNE LAG GAYA. ANTATOGATVA MUJHE VAH VIDHI, MANTRA AADI KA GYAN HO AAYA. MAI TURANT SADHNA SAMGRI JUTA LENE ME LAG GAYA. SADHNA SAMGRI BHI IKATTHI HO GAYI AUR FIR MERI RATRI KALEEN  08:OO SE 10 : 00 TAK KI  TAP-SADHNA AARAMBH HO GAYI. IS SADHNA KE BAL PAR SHRI CHITRAGUPT MAHARAJ KA PRATYAKSHA DARSHAN HONA TO AB NISHCHIT HAI. .. ..

PAHLE DIN KI SADHNA KE DAURAN SABKUCHH SAMANY RAHA. DUSARE DIN KI SADHNA ME BHI KUCHH SAMAJH ME NA AAYA. TISRE DIN KAMRE ME HAVA KI HALKI-HALKI JHONKE MAHSUS HO RAHI THI .. MANO KI KISI BAAG-BAGICHE MAI KHADA HOUN. VIBHINNA FOOLON KI SUGANDH SPASHT RUP SE SUBAS DETA HUA MALOOM HO RAHA THA.
CHAUTHA DIN SUGANDH ME ANTAR AA GAYA .. AISA GANDH .. MANO KI ABHI KANHI HAVAN HO RAHA HO .. SHAAKLYA, GHRIT, CHANDAN, KARPUR AADI KI SUBAS SE MERA MAN GADGAD HO GAYA.

AGALE DIN .. JINKE YANHA THAHRA HUA THA .. UNKA DRIVER BOLA KI, KUCHH AISA UPAY DIJIYE KI, VAN KA BOOKING BHADE KE LIYE HO .. MAI BATCHIT KARTA HUA .. DRIVING SEAT PAR JA BAITHA THA. US DRIVER KA NAAM BABA JI THA. BABA JI BHI DRIVING SEAT KE BANYI OR JA BAITHA THA  KI, ACHANAK HI MUJHE LAGA KI, DAHINI OR SE KOI BHARI-BHARKAM CHIJ AAKAR GADI SE TAKARA GAYI .. VAN KA SISA TUT GAYA .. STAIRING TUT KAR MERE PET ME GHUSNE HI VALA THA KI, MAI TEJI SE BANYI OR SARAK GAYA .. MERE AISA KARNE PAR BABAJI CHAUNKTE HUE BOLA KYA HUA ?
USKE AISA BOLTE HI SABKUCHH SAMANY DIKHNE LAGA .. NA HI KOI BHARI-BHARKAM CHIJ VAN SE TAKRAI THI .. NA HI, STAIRING HI TUTA THA .. SABKUCHH SAMANY THA. MAINE SARI BAAT BABA JI KO BATLAYI TO VAH GHABRA KAR GADI SE NICHE KUD BAITHA. MAI SHANT HO GAYA THA AUR SHANTI PURVAK VAN SE UTAR GAYA AUR PUCHHA - "KYA BAAT HAI ?"
VAH KAHNE LAGA .. YAH PAHLE KISI AUR KI VAN THI .. VAH ISI VAN ME BAITH KAR DRIVE KAR RAHA THA KI, GADI KI DAHINA BHAG TRACK GADI SE TAKRA GAYA THA .. SISE TUT GAYE THE AUR STAIRING TUT KAR USKE PET ME GHUS GAYA THA .. VAH SPOT-DEATH KAR GAYA. BAD ME YAH GADI BECH DI GAYI .. JISE INHONE KHARID LIYA .. LEKIN AAYE DIN GADI KI REPAIRING ME HI ADHIKTAM PAISE BARBAD JATE HAI .. BHADE PAR GADI CHALTI TO KUCHH AAMDANI BHI HO JATI .. LEKIN AAP TO YAH SAB KUCHH JANTE NAHI THE .. AAPKO SAB DIKHLAI PAD GAYA .. II
BABA JI BOLA -"MUJHE TO AB VAN ME BAITHNE BHI DAR LAG RAHA HAI. AB AAP JAB TAK KUCHH UPAY NAHI DETE HAI .. TABTAK MAI IS GADI ME HATH TAK NAHI LAGANE VALA."
MAINE KAHA - "THIK HAI .. UPAY DETA HUN." .. USI DIN UPAY MAINE DE DIYA AUR USI DIN VAN KI BOOKING HO GAYI. VAN AADAMPUR SE HOSIYARPUR GAYI THI .. EK VIVAH SAMAROH ME. PAR .. VANHA PAR JO GHATNA GHATIT HUI THI VAH .. VASTAV ME SAB KO CHAUNKA DENE VALI THI.

VIVAH SAMAROH KE BAD RAAT ME SAB KOI AARAM KARNE LAGE. BABA JI KO EK KHAT DIYA GAYA SONE KE LIYE. VAH US KHAT KO VAN KE BAGAL ME LAGA LIYA. VAN KO CHARO OR SE LOCK KAR KE, CHAIN KI NIND SO GAYA. VAN KA MUNH GHAR KI OR THA .. SAMNE CHAUDI SIDHI BANI HUI THI .. ISKE BAD BARAMDA THA .. BARAMDE KE BAD DARVAJA THA .. GHAR KE ANDAR PRAVESH KARNE KE LIYE.

RAAT KE KAREEB TEEN BAJ RAHE HONGE .. SABHI SO RAHE THE .. KI ACHANAK HI JORON KI AJIB SI AVAJEN AANE LAGI .. VAH VAN ACHANAK HI START HO GAYA .. USKI HEAD LIGHT VAGAIRAH JAL UTHI THI .. VAH VAN TEJI SE CHALNE LAG GAYA .. VAH CHALTA HUA .. SIDHIYON PAR CHADH GAYA .. BARAMDA PAAR KARKE US MUKHYA PRAVESH DWAR SE JA TAKRAYA .. KI, VAH DARVAJA TUT GAYA .. SOTE HUE SARE LOG JAG CHUKE THE .. BABA JI GHABRA KAR CHILLA RAHA THA .. AREY .. !! GADI KI CHABHI TO MERE PAAS HI HAI .. FIR GADI KISNE START KI ?? .. AUR TO AUR GADI SIDHIYON PAR KAISE CHADH GAYA ?? ... ANYA SABHI LOGON NE DEKHA HI THA .. VASTAV ME BABA JI KHAT PAR VAN KI CHABHI APNE PAS RAKHKAR HI SOYA THA AUR VAH CHABI ABHI BHI BABA JI KE HATHON ME HI THA. SABHI LOG AASHCHARY ME DUB GAYE THE .. KOI DAR SE VAN KE PAAS JA NAHI RAHA THA. SABERA HUA. TRACTER AUR CRAINE BULAYA GAYA .. CRAINE KE JARIYE VAN KO UTHAKAR .. TRACTER PAR LAAD DIYA GAYA. FIR USKO HOSIYAR PUR SE AADAM PUR LAYA GAYA .. VAN KE PICHHE-PICHHE ANEKO MOTOR CYCLE SAVAR BHI AAYE THE .. VAN KE MALIK KA DARSHAN KARNE KE LIYE .. !!
VAN KO TRACTER SE NICHE UTARNE KE BAD .. BABA JI VAN KI CHABI MALIK KO SAUNP KAR KAAM CHODKAR BHAG GAYA.

IS TARAH PANCHVA AUR CHHATTHA DIN BHI BITNE LAGA .. ANUBHUTIYAN BHI NAYI-NAYI SI HONE LAGI THI. KABHI LAGTA KI, AANKHO KE SAMNE GHUP ANDHERA SA CHHA GAYA HAI .. TO KABHI LAGTA KI, SAANS HI BAND-SI HUI JA RAHI HAI.

IS TARAH NAUVA - DASHVAN - GYARAHVAN DIN BHI BITA .. IN DINO AISA LAGTA KI, MERA SHARIR KISI ANDHERI GUFA KE ANDAR UDATA HUA KISI AGYAT DISHA ME JA RAHA HAI AUR ACHANAK BIJALI KI EK TEJ JHATKA LAGTI AUR MERA ANUBHUTI SHANT PAD JATA. TO KABHI LAGTA KI, MAI ANDHERI GUFA YA ANDHAKAR KO MAI APNI OR KHICH RAHA HUN .. FIR KABHI LAGTA VAH ANDHERA UJHE APNI OR KHINCH RAHA HAI. MAINE 21 DINO TAK SADHNA SAMPANNA KARNE KI SOCHA THA LEKIN GYARAH RAATRI KI SADHNA KE BAD AGLI SUBAH JAB MAI JAB DAANT SAAF KAR KULLA KAR RAHA THA .. US VAKTA THODI SI MAINE KHANS KAR GALA SAAF KIYA AUR JAB THUKA TO YAH KYA ??
MERE GALE SE EK KATTHAI RANG KI EK RING/ANGUTHI BAHAR NIKALI THI .. VAH BILKUL THOS BHI NA THA .. THODI DER KE BAD VAH RING PANI SE PIGHALNE LAGA .. TAB SPASHT HUA KI YAH MERE KANTH ME KHUN KE RISAV HONE SE BANA HUA CHHALLA THA. MAINE TURANT SADHNA ROK DENE KA NIRNAY LIYA. BAS FIR KYA THA. DAINIK SHUDDHI AUR PUJAN KARNE KE BAAD .. MAINE SADHNA SAMGRI STHANIY NAHAR ME VISARJIT KAR DIYA. BHAGVAN CHITRAGUPT KO APNE PAAS BULAKAR DARSHAN KARNE KI VICHAR MAINE TYAG DIYA.

AISA MAINE KYUN KIYA ?

AISA KARNE ME MERE KYA TARK THE ?

YAH SAB MAI FIR BAAD ME LIKHTA HUN ... WRITINHG IS CONTINUED

VAH MUJHE GOD ME UTHAKAR LE BHAGTI THI

YAH SATYA KATHA UN DINO KI HAI JAB MAI MATRIC CLASS ME PADH RAHA THA. AAJ KAL KE TARAH POLITHIN BAG KA CHALAN US SAMAY NA THA. GHAR KE LIYE KIRANE KI SAMGRI KAGAJ KE BANE THAILA JISE THONGA KAHA JATA THA, ME AATA THA. EK DIN MAINE EK THONGE KI SAMGRI KHALI KAR KE ULAT-PALAT KAR DEKH RAHA THA .. USME EK JAGAH MUJHE LIKHA HUA MILA - "BHAGVAN SHIV KO KEWDE AUR MALTI KE FUL NAHI CHADHANE CHAHIYE .. " ... MAINE AAGE PADHNE KI KOSHISH KI PAR USME AAGE KUCHH  MUJHE MIL NAHI  PAYA KYONKI VAH  KOI PUSTAK TO THA NAHI .. BALKI KISI PUSTAK KE PANNESE BANA HUA EK THONGA THA .. ASTU .. MAINE KUCHH PANDIT JI SE PUCHHA TO JAWAB MILA KI, SHASTRO ME JO BAAT KI MANAHI HAI TO BAS MANAHI HAI .. AB KYON AUR KAISE KA KOI PRASHNA NAHI KARNA CHAHIYE. MAI UNKE BAATON SE SANTUSHT NA HUA. UN SABHI PANDITON NE SHASTRA KI GUHAR MATRA LAGAYI THI .. KISI NE MUJHE SANTOSH JANAK UTTAR NAHI DIYA. ATAH MAINE IS PAR KHUD PAHAL KAR UTTAR DHUNDH NIKAL LENE KA NISHCHAY KAR LIYA.

MAINE SOCHA .. JO BAAT MANA KI GAYI HAI USE HI KARO .. KHUD HI SAMAJH ME AA JAYEGI. BAS FIR KYA THA .. MAINE BHAGVAN SHIV KI BAHUT SUNDAR SI PRATIMA LE AAYA AUR USKO EK SHILA-KHAND PAR STHAPIT KIYA. FIR MERE MAN ME AAYA KI, SHIV KE GAN TO BHOOT LOG HAI .. YADI MANA KI GAYI BAAT KO MAINE KIYA TO BHOOT LOG MUJHE TANG KARENGE .. SO MAINE SHIV PRATMA KE BAGAL ME EK HANUMAN JI KI BHI PRATIMA STHAPIT KAR DIYA .. KYONKI HANUMAN JI KE DAR SE BHOOT LOG BHAG JAYENGE .. MUJHE TANG NAHI KARENGE.

TO FIR KYA THA .. SHIV AUR HANUMAN KI SANYUKTA SADHNA MAINE SHURU KAR DI. MAI NITYA SHIV PUJAN ME MALTI AUR KEWDE KA PUSHP CHADHANE LAGA. KUCHH SAMAY BITA. SAB KUCHH SAMANYA HI THA. LEKIN RAATRI ME KUCHH AJIBO-GARIB SE SWAPNA AANE LAGE. UN DINO JIS CHIJ KA SWAD MAINE CHAKHE NA THE. USKA BHI AANAND DAYAK SWAD USNE MUJHE CHAKHA DIYA. ITNA AUR AISA AANAND KI, VAISA VASTVIK JIVAN ME MIL PANA SAMBHAV NAHI HAI.

AISA KYA THA ? KISNE KYA CHAKHA DIYA ?

VAH BAHUT HI SUNDAR THI .. USKI PATLI-SI KAMAR, UNNAT UROJ, BHARI SI NITAMB .. SANG-MAR-MAR SI GORI AUR SAUNDARY ITNA KI, AAJ TAK VAISI KHUBSURAT KANYA-STRI MAINE DEKHE HI NAHI............. VAH NITYA RAATRI ME SHAYAN KE BAAD NIDRAAVSTHA ME AATI THI ... MAI SWAPNA DEKH RAHA HOTA THA KI, MAI BISTAR PAR LETA HUA HUN .. VAH MAND-MAND MUSKAN KE SATH MANTHA GATI SE .. KAMAR KO LACHKATE HUE .. UROJO KO HILATE HUE .. MERE OR BADHTI CHALI AATI, FIR VAH MERE PAIRON KO SAHLATI HUI MERE UPAR JHUK JATI .. MAI USE NA NAHI KAH PATA THA .. ISKE BAAD DONO PARAM AANAND ME DUB JATE THE .. BAHUT DER TAK AISI AVSTHA BANI HUI RAHTI AUR .. FIR VAH HAULE SE UTH KHADI HOTI .. MUJHE APNE AAGOSH ME BHAR LETI .. FIR GOD ME UTHA KAR CHAL DETI .. VAH HAMESHA MUJHE GOD ME UTHAKAR UTTAR DISHA KI OR HI JATI THI. MAI AANAND ME DUBA HUA SA USKE GOD ME...... JAB KUCHH DURI TAK CHALA JATA TO .. MUJHE EHSAS HOTA KI, MAI KISI AGYAT JAGAH KI OR JA RAHA HUN .. MUJHE SURAKSHA KI JARURAT HAI .. AISA MAHSUS HOTE HI MAI HANUMAN JI KO GUHAR LAGA DETA. BAS, FIR KYA THA .. VAH MUJHE APNE GOD SE NICHE GIRA DETI THI. JAB MAI USKE GOD SE NICHE GIRTA THA TO MUJHE HALKI-SI CHOT LAGNE KI ANUBHUTI HOTI THI AUR MERI NIND TUT JATI AUR AANKHE KHUL JATI THI. MAI KHUD KO APNE VISTAR SE LAGBHAG EK BAANS KI DURI PAR UTTAR DISHA ME GIRA HUA PATA THA.
YAH GHATNA PURE RAAT BHAR ME SIRF EK BAR HI GHATIT HOTI THI AUR AGLE DIN MAN ME AJIB SA AANAND-SA BHARA HUA MALOOM HOTA AUR DIN BHAR KAFI THAKAN SI BHI MAHSUS HOTI THI.

AISA GHATNA KAFI DINO TAK CHALTA HI RAH .. MUJHE THAKAN AUR KAMJORI SI MAHSUS HONE LAGI. TAB MAINE NISHCHAY KAR LIYA KI, MUJHE APNE SADHNA ME SUDHAR KAR HI LENE CHAHIYE. SO MAINE MALTI AUR KEWDE KE PUSHP CHADHANE BAND KAR DIYE. ISKE BAD IS TARAH KE SWAPNA AANE BAND HO GAYE .. LEKIN NAYI PARESHANI SHURU HO GAYI.
AB ROJ RATRI ME KABHI BHAGVAN SHIV KA DARSHAN HOTA TO KABH HANUMAN JI KA ... DARSHAN TAK TO THIK THA .. LEKIN JO AAGE HOTA VO KAFI BHAYANAK AUR HAASYASPAD BHI.
SHIV KE DARSHAN HOTE SAMAY VE  KAFI PRASHNAA MUDRA ME DIKHTE THE AUR THODI HI DER BAAD VE KAFI GUSSE KE SATH MERE UPAR AAKRAMAN KAR DETE MAI UNKA JAWAB DETA RAHTA .. KAFI HATH-PAYI HO JATI .... AUR LADTE-LADTE MERI HALAT KHARAB HO JATI. FIR MERI NIND KHUL JATI.
FIR YAHI DRISHYA HANUMAN JI KE SATH DEKHTA ... HANUMAN JI SE BHI KAFI DER TAK MALLA-YUDHA KARTA THA .. II KABHI - KABHI HANUMAN JI SHIV SE MUJHE BACHANE KE LIYE .. KHUD SHIV SE LOHA LENE LAGTE. TO KABHI SWAPNA ME HO RAHE HANUMAN JI KE SATH YUDDH ME MUJHE BACHANE KE LIYE SHIV KHUD MERE PAKSHA SE YUDDHA KARNE LAG JATE .... OH IIIIIII
AISA HO TO ... KOI BHI PARESHAN HO JAYEGA ... EK DIN KI BAAT HO TO KOI BAT NA THI .. YANHA TO ROJ HI MUJHE YUDDHA KARNE PAD RAHE THE. ANTA ME BADE-BUJURGON KE SALAH PAR JHAAD-FUNK KARNE VALE EK GUNI KE PAAS MUJHE JANA PADA.
VAH GUNI MUJHE DEKH KAR MUSKURAY AUR BADI SHRADDHA SE MUJHE PRANAM BHI KIYA .. USKI YAH BAAT MUJHE US VAKTA SAMAJH ME NA AAYI. USNE AAGE KAHA -"ARE BAAP RE ...BADI BADHIYA CHIJ BAA ... LEKIN BABUA TA ABAHI LAIKE BARAN .. SAMHAL NA PAIHAN .. KAHA TA .. HATA DINHI .. "'
MAINE KAHA- '' HANH  ! HATA DINHI ... PARESHAN HO GAYIL BANI .. BAAP RE BAAP ..!!!!
BAS USNE APNE PAAS PADE SIDDHA JHADU KO MERE SHIR SE PAANV TAK 7 BAR UTARA. FIR USI DIN SE YE SAB PARESHANI JATI RAHI .. MAI BILKUL SWASTH HO GAYA.
PAR ..... MERE PRASHNA KA UTTAR TO MILA HI NAHI KI, SHIV KO MALTI AUR KEWDE KA PUSHP KYON NAHI CHADHAN CHAHIYE......
IS PRASHNA KA UTTAR MUJHE EK SAAL BAD MILA .. BADE HI RAHASYMAYI VYAKTI KE DWARA ............... !!
KYA ? AB BAAD ME LIKHTA HUN .... HARI OM NAMAH SHIVAY
 ________________________________________________________________________________________________________________________________________________________________________________
DATED - 13/01/2013 ... AAGE KI KAHANI -

MAI MATRIC UTTRIN HO CHUKA THA. MERI DAKHILA VIDYALAY KE JAGAH AB MAHAVIDYALAY ME HUA. EK UMANG .. EK NAYI TARANG THE IN DINO. VARG ME PADHAI PAR VISHESH DHYAN DENE PADTE THE .. IN DINO .. KYONKI MERE MATA-PITA AAJ-KAL KE MATA-PITA KE TARAH NA THE. AAJ KAL TO APNE BACHCHE KI PADHAI PAR HONE VALE KHARCH PAR HI SIRF DHYAN DETE HAI. LADAKI HAI TO .. PADHA LIKHA-KAR VIVAH KAR DENE KI JALDI HOTI HAI AUR YADI LADKA HAI TO VAH PADH-LIKH KAR KOI BADHYA SA NAUKARI PAKAD LE .. TAKI, PED JO UNHONE LAGAYE HAI  KAFI PAISE KHARCH KARKE  .. US KHARCH KI VAPSI  VIVAH RUPI FAL KE DWARA PAYA JA SAKE. MERE MATA-PITA PADHAI KE LIYE TUTION JAISE SHABD SE KAFI CHIDHTE THE .. VE KAHTE - JO BACHCHA KHUD SE NAHI PADHA YA NAHI PADHNA CHAHTA HAI .. US PAR LAKH TUTION LAGA DO .. VAH JINDGI ME KABHI PADH NAHI PAYEGA. BHALE HI UNCHI DIGARIYAN HASIL KAR LE .. LEKIN VAH KOI SRIJANATMAK KARY NAHI KAR SAKTA .. VAH TO PADH-LIKH KAR KOLHU KE BAIL KE TARAH NAUKARI ME SIRF NAUKAR KE BHANTI KHATEGA  .... VAGAIRAH - VAGAIRAH... !!

MAI HAMESHA NIYAM SE APANI CLASS JOIN KAR RAHA THA .. EK DIN KI BAAT HAI. US DIN ACHANAK .. EK GHANTI PADHAI HONE KE BAD .. BAKI SARE GHANTIYON KI CHHUTTI HO GAYI. SAMAY KHALI KHALI SA LAGNE LAGA. IS LIYE MAINE NISHCHAY KIYA KI, APNI CYCLE SE THODA IDHAR-UDHAR GHUMUNGA .. FIR GHAR VAPAS JAUNGA.

MAI GHUMTA HUA .. ARRAH KE B D O BLOCK OFFICE KE PAAS JA PAHUNCHA. GARMI KE DIN THE .... THODI PYAS BHI MUJHE LAG RAHI THI .. SO MAINE US OFFICE KE PRANGAN ME BANE HUE EK SHIV-MANDIR KE PAS CHAPAKAL SE PANI NIKAL KAR PIYA AUR FIR USI SHIV-MANDIR PRANGAN ME BAITH KAR THODI-SI SUSTA LENE KI SOCHI .. !!
MAINE US MANDIR PRANGAN ME EK BHADRA PURUSH KO BHI BAITHE HUE DEKHA. UNKI  VESH-BHUSHA SAMANY-SI THI. VE SAFED RANG KE DHULE HUE DHOTI AUR KURTA PAHAN RAKHE THE. CHHOTE-CHHOTE SHIR KAR KESH THE AUR APNE BHAAL-PRADESH PAR BHAGVAN SHIV KE TARAH SAFED CHANDAN KE TILAK LAGA RAKHE THE. UNHE DEKH KAR MAN SHRADDHA AUR SAMMAN KE BHAV SE BHARA JA RAHA THA. SO MAINE UNHE BADE HI VINIT BHAV SE NAMASKAR KIYA. VE APNE HAATH UTHA KAR AASHIRVAD DIYA. MAI UNKE PAAS BAITH GAYA AUR BOLA - "AAP VIDVAN MALOOM HOTE HAI ."
VE BINA KUCHH BOLE MERI OR PREM SE DEKHTE HUE MUSKURAYE.
MAINE AAGE KAHA -"MERI EK JIGYASA HAI JO, MUJHE PARESHAN KAR RAKHI HAI .. JANHA TAK MAI SAMAJH RAHA HUN .... AAP MERI JIGYASA KA SATIK SAMADHAN KAR DENGE .. YADI AAPKI AADESH MILE TO MAI APANI JIGYASA AAPKO SAMANE RAKHUN."
UNHO NE KAHA -''PUCHHO !! KYA JANKARI CHAHIYE TUMHE ?"
MAINE KAHA -"BHAGVAN SHIV KO MAALTI AUR KEWDE KE PUSHP KYON NAHI CHADHANE CHAHIYE ?"
UNHONE MUSKURA KAR KAHA -"TUMHARE SHIV NE HI TO SHRAPIT KAR DIYA THA .. JIS KARAN AB YE PUSHP NAHI CHADHAYE JATE HAI".
MAINE KAHA -"MERE SHIV ?
UNHO NE KAHA -" HAAN !!"
VO KYON AUR KAISE ? - MAINE PUCHHA.
ISKE JAWAB ME UNHO NE EK KATHA SUNAYI .. JO IS PRAKAR HAI -

JAGAT SRIJAN KE BAAD .. DEV, DANU AUR MANU KE BICHA APNI-APNI EK AHAM-SI THI .. HAR KOI APNA VARCHASVA KAYAM KAR LENA CHAH RAHA THA. EK BAR, BRAHMA AUR VISHNU KE BICH VIVAD HONE LAGA KI, IS JAGAT ME SABSE SHRESHTH KAUN HAI ?
BRAHMA SRIJAN KARNE KE LIYE KHUD KO SHRSHTH KAH RAHE THE TO VISHNU KA KAHNA THA .. YADI SRIJIT KO MAI SAMBHAL NA LUN .. USKA PRATI-PALAN NA KARUN TO SRISHTI UTPANNA HOTE HI NASHT HO JAYEGI .. IS SHRISHTI KI ASTITVA KAYAM RAHNE KA KARAN MAI HUN .. ATAH MAI SHRESHTH MAUI HUN.
KOI APNE KO KISI SE CHHOTA MAN LENE KO TAIYAR NA THA. VIVAD BADHTA HI CHALA GAYA AUR YAH VIVAD YUDDHA KA RUP LENE HI VALA THA KI, UN DONO KE BICH EK VISHAL JYOTIR-STAMBH PRAKAT HUA .. JISKA AADI AUR ANTA KA PATA HI NAHI CHAL RAHA THA.
TAB UN LOGO NE YUDDHA KE VICHAR KA TYAG KARTE HUE AAPAS ME SAMJHAUTA KIYE JO KOI ISKA AADI YA ANTA KA PATA LAGA LEGA .. VAHI SHRSHTH MANA JAYEGA.
ASTU, BRAHMA JI APNE HANSA PAR AARUDH HO US JYOTIR-STAMBH KE SHIR BHAG KI OR CHAL DIYE AUR VISHNU JI VARAAH RUP DHARAN KAR NICHE KI OR CHAL DIYE .. KOI NA TO AADI KA THIKANA THA AUR NA ANTA KA HI ... !!

SHIR BHAG KI OR JATE HUE BRAHMA JI KO .. RASTE ME HI MAALTI AUR KEWDE KA PUSHP MILA. UNHONE UNHE ROK KAR PUCHHA - HE KEWDE AUR MAALTI KE PUSHP .. TUMHE TO KISI NE TO IS DEV KE SHIR PAR CHADHAYE HONGE .. KYA TUMHE .. IS DEV KA SHIR MILA ?
UNHO NE KAHA -'' HE DEV !! HAMLOG TO AAPKE DARSHAN PAAKAR DHANYA HO GAYE .. LEKIN IS DEV KA SHIR BHAG MUJHE ABHI TAK NAHI MILA AUR LAGTA HAI .. KI, KABHI MILNE VALA BHI NAHI ..".
BRAHMA JI NE KAHA -"THIK HAI ! TU CHAL MERE SATH .. SIRF TUM APNA-APNA MUKH BAND RAKHNA."
AISA KAHKAR UN DONO PUSHPON KO APNE HATH ME LE LIYE. FIR VE VISHNU JI KO VAPAS AANE  KI SANKET DIYE. DONO USI JAGAH PAR VAPAS LAUT AAYE JANHA PAR VE VIVAD KAR RAHE THE.

VAPAS AAKAR MILNE PAR BRAHMA JI NE VISHNU SE PUCHHA -'' IS JYOTIR-STAMBH KA AADI BHAG MILA ?
VISHNU JI VISMIT BHAV ME BOLE - "NAHI !!".
BRAHMA JI BOLE -" TO YAH BATAO PUSHPA DEVTA KE KIS BHAG ME CHADHAYE JATE HAI ?".
VISHNU JI BOLE - "SHIR PAR .. ".
ITNA SUNTE HI BRAHMA JI HATH ME LIYE HUE UN DONO PUSHPON KO VISHNU KO DIKHA DIYE .. VISHNU JI YAH DEKH MAUN SA HO GAYE .. KYONKI, IS SE YAHI SABIT HO RAHA THA KI, BRAHMA JI, NE US JYOTIR-STAMBH KA SHIR BHAG KO DHUNDH NIKALA HAI.
ITNA HONE PAR .. US JYOTIR-STAMBH SE MAHADEV PRAKAT HO GAYE . UNHE DEKH BRAHMA   AUR VISHNU DONO HI AASCHARY ME DUB GAYE. MAHADEV NE KAHA " IS AKHIL BRAHMAND ME MERA KOI NA TO AADI JAN SAKTA HAI AUR NA ANT .. LEKIN RE DUSHT KEWADE AUR MALTI KE PUSHP !! TERE CHUP RAHNE KE KARAN .. YAH BAAT JHUTHI-SI BAN JATI !! ATAH TU AB DEV PAR CHADHAYE JANE YOGYA NAHI HAI .. AAJ KE BAAD SE TU MERE UPAR NAHI CHADHAI JAYREGI."
VAH VIDWAN MUJHE YAH KATHA SUNANE KE BAD AAGE KAHA -"BAS ISI KARAN US DIN KE BAAD SE SHIV PAR MAALTI AUR KEWDE KE PUSHP NAHI CHADJHAYE JATE. ISKE BAAD UNHO NE KAHA ISKE BAAD AUR GHATNA HUI THI .. MAINE USKE VISHAY ME BHI JANKARI MANGI TO UNHONE US GHATNA KI BHI PURI JANKARI DE DI AUR FIR KAHA - "AB TUM APNE SHIV KO PRANAM KARO".
MAI UNKE PAS SE UTHA AUR SHIV - MANDIR KE ANDAR JAKAR SHIV-LING PAR APNA MATTHA TEKA AUR VAPAS MUDA TO VAH VIDWAN PURUSH VANHA PAR NA THE .. MAI UNHE DEKHNE KE LIYE CHARO OR DAUR SA GAYA .. LEKIN DUR - DUR TAK UNKA KOI ATAA-PATA NA THA. ITNI JALDI ME US JAGAH SE KOI OJHAL BHI NAHI HO SAKTA THA.
MERA MAN AISA KAH RAHA THA KOI MUJHE MIL GAYA THA PAR MAI NADANI KAR GAYA HUN.
MERA MAN KAH RAHA THA VAH PURUSH AUR KOI NA THA .. SAAKSHAT SHIV HI KHUD THE.
MERA MAN KAH RAHA THA .. TUMNE GURU KI MAHTTA KO BHULA KYON DIYA ? .. SHIVLING KI MATTHA TEKNE KE BAJAY .. JISNE GYAN DIYA USIKO MATTHA KYUN NAHI TEKA ? KYONKI GURU TO KHUD HI BRAHMA-VISHNU AUR MAHESH RUP ME HOTE HAI.
MERA MAN KAH RAHA THA .. UNKE CHARANO KO KASKAR PAKAD LETA AUR JID KARTA KI AAP KOI BRAHMAN NAHI .. BALKI SAAKSHAT SHIV HI HO .. MUJHE SHIV RUP ME DARSHAN DE DO .. TO SHIV RUP KA DARSHAN TO HO JATA ... YAH SOCH SOCH KAR AAJ TAK MAI PASHCHATAP KARTA HUN ....... AUR YAH SOCH KAR AANAND BHAV - VIBHOR HO JATA HUN .. KI, MERE SHIV NE MUJHE GURU RUP ME DARSHAN TO DIYE.   HARI OM NAMAH SHIVAY .. !!
ISKE BAD MAI APNE GHAR LAUT AAYA THA .

Anya Jankari Sabhaar : Mukund Nandan
1. Astrology - http://mukundnandan.wordpress.com
.
2. Tantra - http://mukundnandan.mywapblog.com
.
3. Facebook - http://facebook.com/mukund.nandan
.
4. Rahasyo Ki Khoj Me - http://mukundnandan.blog.com
Aur ....
Add :
Ujwal Bhavishya Darshan
Jyotish Tantra Vastu
Shodh Sansthan
Khetari Nehru Nagar
Ara - 802301
Bhojpur, Bihar.
Ph. - 09334534189