Monday 1 April 2013

KIYE THE GURU KE SANG GHAT .. AUR UNHE MILI SAJA-E-MAUT ................................................................. . . YAH SATYA GHATNA JUNE 2012 KI HAI. MERE EK SHISHYA KI PUTRI KO "LOVE AFFAIR" KA CHAKKAR LAG GAYA. YAH CHAKKAR TAB LAGA JAB VAH EK SHADI ME SHARIK HUI THI. VANHI PAR US LADKE SE USKI DOSTI HUI THI. VAH LADKA DUR KA RISHTEDAR BHI LAGTA THA. IS KARAN VAH BEDHARAK LADKI KE GHAR AANE JANE LAGA. RENU (LADKI KI KALPNIK NAAM) APNE NANIHAL ME HI RAHTI THI; KYONKI RENU KE PITA KO KANYA SANTAN NAPASAND THI. RENU KO KAI BARAS KE BAD EK CHHOTA BHAI HUA


Posted by at

24 comments:

  1. Mukund Nandan's Blog1 April 2013 at 19:47

    USKA CHHOTA BHAI BAHUT SHAITANI KARTA THA AUR APNE MATA-PITA KE HI SATH RAHTA THA.
    IDHAR RENU KA US LADKE KE SATH SAMBANDH GAHRA HOTA CHALA GAYA.
    SAMAY AAGE BADHTA CHALA GAYA AUR IS PREM-PRASANG KI BAT HAR KISI KO MALOOM HOTI CHALI GAYI.
    LADKE NE LADKI PAR JOR DALA KI, VAH APNE MATA-PITA SE UNDONO KE VIVAH KI BAT KARE.
    ISKE LIYE SAMBHAVTAH VAH RENU KO EMOTIONAL BLACK MAILING KARTA CHALA GAYA.
    RENU USKE PREM JAAL ME FANSKAR, TADAPTE HUE, YAH BAAT APNI MAA KO BATAYI, MAA EK TARAH SE INKAR KARTE HUE KAHA

    ReplyDelete
  2. Mukund Nandan's Blog1 April 2013 at 20:31

    VAH PITA SE BAT KAREGI. RENU KE MATA-PITA ARRAH SE PURVOTTAR LAGBHAG 50 KM DUR EK SHAHAR ME RAHTE HAI.
    RENU KE PITA FAUJ ME THE. VE EKADH-SAAL PEHLE HI FAUJ KI NAUKARI SE AVKASH PAKAR YANHA PAR RAHNE LAGE.
    JAB RENU KI MAA NE USKE PITA SE BAT KI TO, UNHE LADKA PASAND NA AAYA AUR YAH KAHTE HUE KI, LADKA NA TO KISI JOB ME HAI .. NA HI ACHCHHI KHETI-BARI HAI AUR NA HI MERI LADAKI KI PERSONALITY KE BARABAR HAI .. VIVAH KARNE SE INKAR KAR DIYA.
    PREM KA BHOOT JISPAR SAVAR HOTA HAI .. VAH ANDHA HO JATA HAI.

    ReplyDelete
  3. Mukund Nandan's Blog1 April 2013 at 23:31

    ISPAR LADKA BAUKHLA GAYA AUR EK DIN USNE TO RENU KI BUDHI NANI PAR HI JAN LEVA HAMLA KAR DIYA.
    ITNA PAR BHI PREM KI ANDHI RENU KE AANKH ME ROSHNI NA AAYI.
    TAB SARI GHATNA KO DEKHTE HUE, BHAVI SANKAT KA ANDESHA KARTE HUE RENU KI MAMA JI NE SAF SHABDON ME US LADKE KO GHAR PAR AANE JANE SE MANA KAR DIYA.
    LEKIN LADKA .. JAB GHAR PAR MARD NAHI RAHTE THE .. TAB CHUPKE SE AA JAYA KARTA THA.
    ISME TANIK BHI SHAK NAHI KIYA JA SAKTA KI, GHAR PAR KOI MARD NAHI HAI, KI, SUCHNA RENU NAHI DETI HOGI.
    YAH SILSILA JARI

    ReplyDelete
  4. Mukund Nandan's Blog2 April 2013 at 02:50

    RAHA.
    EK SHAM JAB GHAR PAR KOI MARD MAUJUD NA THE, TAB VAH LADKA GHAR PAR AA GAYA.
    IS BAT KI SUCHNA KISI NE RENU KE MAMA JI KO PHONE KE JARIYE BATLA DI.
    RENU KE MAMA JI NE TURANT LADKE KO PHONE LAGAKAR PUCHH-TACHH CHALU KAR DI .. PHONR PAR HI BATEN HOTE-HOTE BAT BIGAD KAR GALI-GLAUJ ME TABDEEL HO GAYA. DONO TARAF SE GALI KE BHAYANKAR BHAYANKAR BAAN CHHODE GAYE.
    RENU KE MAMA JI, KRODH ME FUMFKAAR MARTE HUE APNE GHAR AA DHAMKE. APNE SAMNE MAMA JI KO DEKH KAR BAUKHLA KAR US LADKE NE AAKRAMAN KAR DIYA AUR

    ReplyDelete
  5. Mukund Nandan's Blog2 April 2013 at 07:58

    DONO TARAF SE JAWABI KARVAYI CHALOO HO GAYI .. GALION KI BHAYANKAR BAANO KI BAUCHHAR KE SATH, MALLA-YUDDH SHURU HO GAYI. BICH-BICH ME MUKKA-MUKKI HOTA RAHA .. DONO IS YUDDH ME GHAYAL HO GAYE.
    ITNE DER TAK YUDDH HUA KI, ISE ROKNE KE LIYE MUHALLA VASI KO BICH-BACHAV KARNA PADA.
    MUHALLE KE LOG US LADKE KO DUBARA MUHALLE ME NA AANE KI HIDAYAT DETE HUE BHAGA DIYE.
    BAAT RISHTEDARI KE ANDAR KI THI, ISLIYE IS JHAGDE KO HAR KOI SHANT KARNA HI UCHIT SAMAJH KAR CHUP LAGA BAITHE.
    DONO APNE-APNE CHOT KE ILAJ KARVAYE

    ReplyDelete
  6. Mukund Nandan's Blog11 April 2013 at 21:56

    IDHAR LADKA RENU KO EMOTIONALY BURI TARAH GHAYAL KARTA RAHA. RENU KI MAA AAKAR APNI BETI SE PUCHH-TAACHH AUR SAMJHANA SHURU KIYA.
    AURAT KI TULNA AAG AUR NAGIN SE .. ANUBHAVI LOG KARTE HAI .. SO SHAYD GALAT NAHI HAI. IS BAAT KA SAKSHY AAGE KI KAHANI SE JARUR SABIT HOGA.
    JAB MAA KA DAVAB PADA KI, US LADKE SE KOI SAMBANDH NAHI RAKHNA HAI, TAB RENU TURANT PASA PALAT DEE AUR KAH DIYA KI, US LADKE SE VAH KOI SAMBANDH NAHI RAKHEGI, LEKIN VAHI LADKA USKE PICHHE PADA HUA HAI, US SE MERA PICHH CHHUDVA DO.

    ReplyDelete
  7. Mukund Nandan's Blog26 April 2013 at 23:50

    RENU KE AISA KAHNE PAR, USNE MUJHSE SAMPARK KIYA AUR KAHA KI, TANTRA SHAKTI MADHYAM SE LADKE KA MAN LADKI KE TARAF SE HATA DIJIYE.
    MERA JAWAB THA KI, AISA HI HOGA. BASHARTE KI, JAB LADKA GHAR PAR AAYE TO MERE DWARA SIDDH KI GAYI SAMGRI, USE KHILA DIYA JAYE .. ISKE PRABHAV SE LADKE KA MAN RENU KE TARAF SE HAT JAYEGA.
    AB SAMGRI SIDDH KI GAYI, RENU USE KHILA DENE KO TAYAR HUI.
    LEKIN, CHORI-CUPKE AANE VALA VAH LADKA NA JANE KAISE GHAR PAR AANA-JANA BILKUL HI BAND KAR DIYA AUR RENU KA KAHANA THA KI,.......

    ReplyDelete
  8. Mukund Nandan's Blog3 May 2013 at 06:15

    VO AAYE TO MAI USE KHILA PAUNGI. USKI MAA ANDAR HI ANDAR BAK-JHAK CHALTI RAHI. USKI MAA NE MUJHSE KAHA KI, LAGTA HAI KI, ISNE USKO GHAR PAR AANE SE MANA KAR DIYA HAI ; KYONKI USKE AANE PAR GHAR KE LOGON KE DAWAB ME USE TANTRA-SAMGRI KHILANI PADEGI.
    ASTU, RENU KI MAA NE AAGRAH KIYA KI, MAI USKE UPAR NIGRANI RAKHUN .. USKE GHAR PAR TO AANA-JANA HOTA HI THA, ISLIYE SANDEH HONE PAR, USKE GHAR PAR MAI JA DHAMKATA THA.
    EK DIN RENU KAFI TEVAR ME DIKH RAHI THI. PUCHHA TO MALUM HUA KI, MAA SE BAHAS BAHAS HUI HAI.

    ReplyDelete
  9. Mukund Nandan's Blog4 May 2013 at 01:49

    US DIN USNE MATAR KE MASHALEDAR CHHOLE BANAYE AUR MUJHE KHILANE KI JID PAKAD LEE .. USKE DAWAB PADNE PAR KHANA HI PADA .. KHANE KE BAAD TO MUJHE EHASAS HUA KI, JIS SAMGRI KO LADKE KO KHILANE KE LIYE DI GAYI THI, US SAMGRI KO USNE MUJHE HI KHILA DIYE HAI.
    MAINE EK JHATKE ME US SE KAHA KI, TUMNE JO AAJ KIYE HAI .. USKI SAJA TUMHE MILEGI ..
    VAH GHABDA GAYI AUR GHUMA KAR BOL GAYI KI, MAINE APNE MAN SE NAHI .. MAA KE KAHNE PAR KIYA HAI.
    YANI JIS KA ABHAS HUA VAH BAAT SATYA THI.
    ISKE BAD MAI GHAR LAUT GAYA. .

    ReplyDelete
  10. Mukund Nandan's Blog6 May 2013 at 08:40

    MAN ASHANT SA HO GAYA; KYONKI USNE GURUGHAT KIYA THA AUR MERE NAHI CHAHNE PAR BHI VAH DANDIT TO HOGI HI .. KYONKI, USNE AISA KAR SAMAST GURU-JAGAT KE SATH DOKHA KIYA THA.
    SHAYAD USKE MAN ME YAHI AAYA HOGA KI, US SIDDHA SAMGRI KO INKO HI KHILA DENGE TO YAHI MERE PAAS NAHI AAYENGE .. IN DINO YE BAHUT KADI NIGRANI MERE UPAR RAKH RAHEN HAI.
    DO DIN BAAD ...
    USKE MAMA KA PHONE AAYA KI, RENU NE PATA NAHI KYA KHA-PEE LIYA HAI KI, VAH BILKUL BEHOSH HO GAYI HAI. LOG USE AANAN-FAANAN HOSPITAL LEKAR GAYE .. JANHA

    ReplyDelete
  11. Mukund Nandan's Blog7 May 2013 at 07:33

    JANHA PAR DOCTOR DAVA DENE KE BAD PATNA HOSPITAL REF. KAR DIYA. HAALAT NAJUK THI .. TABTAK MAI VANHA JA PAHUNCHA .. AMBULANCE SE USE AB AGLE HOSPITAL KI OR LEKAR CHAL DIYA GAYA.
    HUA YUN THA KI, IS DIN USKA APNI MAA KE SATH KAFI NOK-JHONK HUI THI. MAA APNI BAAT PAR ATAL THI TO BETI APNI BAAT PAR .. ANTA ME MAA KAFI NARAJ HO GAYI AUR KAH DIYA-"JA TU MERE LIYE AB MAR GAYI .. MAI AB TERA MUNH NA DEKHUNG .. " KAH KAR TRAIN PAKADNE CHAL DI. LEKIN STATION PAHUNCHNE KAE BAD USKI MAA KA MAN KISI ANHONI KE ANDESHE

    ReplyDelete
  12. Mukund Nandan's Blog9 May 2013 at 07:03

    SE MAN GHABRA UTHA AUR VAPAS LAUTNA HI CHAH RAHI THI KI, RENU KE MAMA NE PHONE KAR DIYA KI, IS TARAH KI GHATNA HO GAYI HAI.
    AMBULANCE AB KOILVAR POOL PAR PAHUNCH CHUKI THI; LEKIN POOL JAAM THA IS KARAN BAHUT DHIMI GATI AUR RUK-RUK KA AMBULANCE AAGE BADH RAHI THI.
    JAB GADI POOL KE BICHOBICH PAHUNCHI THI TO, RENU KI HALAT BIGADNE LAGI, ANJANE ME BAR-BAR PESHAB HONE LAGA, MATHE PAR PASINE KI BUNDE AANE LAGI, CHEHRE KA RANGAT FIKA PADNE LAGA, SANS UKHADNE-SI LAGI .. YAH DEKH USKI MAA NE KAHA-"KUCHH KIJIYE ..

    ReplyDelete
  13. Mukund Nandan's Blog9 May 2013 at 08:29

    .. ISE BACHA LIJIYE .. ". YAH TO SARV VIDIT HAI KI, JANE VALE KO KOI ROK NAHI SAKTA AUR IS SANSAR ME AANE VALE KO BHI KOI ROK NAHI SAKTA .. KHAIR MAI USKE NIVEDAN KARNE PAR, APNI YAOGIK SHAKTI KO BATORNE LAGA; PANCH MAHABUTON KO AVAHAN PURVAK USKE SHIR KE UPAR HAATH RAKHA.
    SHIR BILKUL THANDA THA.
    MAI VISH NIRMALIKARAN AUR CHAITANY MANTRA SHAKTI KA BARI-BARI SE PRAYOG KARTA CHALA JA RAHA THA.
    JAB AMBULANCE POOL KA AADHI BHAG SE JYADA BHAG PAR KAR CHUKI THI TO USE HICHKIYAN AANE LAGI ..

    ReplyDelete
  14. Mukund Nandan's Blog10 May 2013 at 01:37

    MAI APNI SHAKTI PRAYOG USKE SHIR PAR HATH RAKHKAR KARTA CHALA JA RAHA THA .. AISA LAG RAHA THA KI, USKI SANS THAM RAHI HO, USKE MAA KI CHEHRE PAR HAVAIYAN UDNE LAGI.
    ACHANAK MERE HATH ME HAJARON BICHCHHUON DANK MAAR DIYE HON .. AISA CHILAK MAAR KAR DARD HONE LAGA .. MAI TANIK-SA USKE SHIR PAR SE HATH HATA LIYA TO DARD KAM HO GAYA .. MAI FIR USKE SHIR PAR HATH RAKH DIYA .. MERE HATH KA DARD SAMAPT HO GAYA THA .. LEKIN JAISA DARD THA, USME KOI BHI CHIKHNE CHILLANE LAG JATA .. AMBULANCE AB POOL KO PAR KARNE..

    ReplyDelete
  15. Mukund Nandan's Blog10 May 2013 at 01:52

    VALI HI THI .. MAI LAGATAR APNI SHAKTI-PRAYOG KARTA HI CHALA JA RAHA THA.
    AB USKE SANS KUCHH SAMANY HO CHALI THI, SHARIR AUR SHIR KA TAPMAN BHI KUCHH SAMANY SA HO CHALA THA.
    AMBULANCE POOL PAR KAR CHUKI; LEKIN AAGE BADHNE KE LIYE RASTA HI NA THA.
    VAHANO KA BAHUT JAAM THA.
    USI ME EK NETA JI KI BHI VAHAN ATAKI HUI THI .. UNHE BHI PATNA HI JANA THA .. VE KAFI GARM HOKAR APNE MOBILE SE BELAGAM GALIYON KI BAUCHHAR KIYE HUE THE. SHAYD VE ROAD JAAM KO KHATM KARNE KE LIYE KISI CONTROL ROOM SE CONTACT KIYE THE.

    ReplyDelete
  16. Mukund Nandan's Blog10 May 2013 at 02:06

    ACHANAK NETA JI AANKHE MUJSE MILI .. MAI MUSKURA DIYA. ISPAR VE MUJHE GAUR SE DEKHNE LAGE AUR UNKI GALIYON KI BAUCHHAR BHI KAM HONE LAGA.
    MAI MUSKURATE HUE AMBULANCE KE UPAR HAATH RAKHKAR THAPTHAPAYA .. BAS MERA ITNA KARTE HI UNKI TO VAANCHHE KHIL UTHI .. AUR VE CHIKH UTHE-"ABE SAALE MAI ROGI KO LEKAR AA RAHA HUN .. ROGI SIRIOUS HAI .. YADI ISE KUCHH HO GAYA TO KAL MAI PURA PATNA JAAM KARVA DUNGA .. AUR TUM SAB KO LINE HAJIR KARUNGA .. .. .. .. " ... VE BAHUT KUCHH BAK GAYE.
    LEKIN IS KATHANI KA ASAR HUA.

    ReplyDelete
  17. Mukund Nandan's Blog10 May 2013 at 02:21

    THODI HI DER ME FORCE AA PAHUNCHI AUR RASTA SAAF KARVATE HUE MERE AMBULANCE AAGE NIKALVANE LAGA .. AUR NETA JI JHAT AMBULANCE KE PICHHE HO LIYE.
    AAGE KUCHH DUR JANE KE BAD RASTA BILKUL SAAF THA. NETA JI KI VAHAN AMBULANCE BAGAL ME AA GAYA. NETA JI APNI VAHAN SE HI HAATH JODTE HUE .. FURRRA SE AAGE NIKAL GAYE.
    ISKE BAAD HOSPITAL JA PAHUNCHE.
    DOCTOR AANAN-FANAN ILAJ SHURU KAR DIYA. MUNH ME PIPE DAAL KAR SIRINJ SE PET ME GAYE VISHAKT PADARTH KO NIKALA JANE LAGA. KATTHAI-KALA TARAL PADARTH NIKAL RAHA THA.

    ReplyDelete
  18. Mukund Nandan's Blog10 May 2013 at 02:39

    ILAJ CHALTA RAHA .. RAAT GUJAR GAYI .. SABERA HO GAYA. ACHANAK EK NURSE AAKAR SUCHNA DI KI, ROGINI KO SAMANY HOSH AA GAYA. SARV-PRATHAM MAI HI MILNE GAYA.
    VO MUJHE DEKH RONE LAGI AUR KAHNE LAGI-"AB MAI US LADKE KI OR DEKHUNGI TAK NAHI. AB MAI SUDHAR JAUNGI .. ".
    JAB VAH THIK HUI TAB MAI USE VANHI USKE MATA-PITA KE SATH HI CHHOD KAR VAPAS ARRAH LAOT AAYA.
    VAH PURNTAYA SWATH HONE KE HOSPITAL SE CHHUTTI LEKAR GHAR CHALI GAYI-APNE MATA-PITA KE SATH.
    CHAR DIN GAYE HONGE. USKI NANI KAHNE LAGI-"LAGATA AB U ..

    ReplyDelete
  19. Mukund Nandan's Blog10 May 2013 at 02:51

    AB ARRAH NA AAYI .. OKKAR BAAPVA AB NA AAVE DIHI .. EK HAALI OKARA HAM BHAR NAJAR DEKH LEHATI TA E BUDHAUTI ME HAMRA CHAIN MILIT .. LAIKAINYE SE POSALE PALALE BANI .. OKARA KHATIR HAMAR JIU KHUTAKATA .. DEKH LEHTIN TA HAMRA MARLA PAR CHAIN MILIT .. NA TA HAMAR AATMA OKARA KHATIR BHATKATE RAHI .. "
    USKE NANI KE GIDGIDNE PAR USKO EK FIR ARRAH BULA LIYA GAYA KI, APNI NANI SE BHENT KAR LO.
    JAB VAH AAYI TI APNI TIKADAM LAGAKR YAHI RAH GAYI. USKI MAA VAPAS USKE PITA KE PAAS CHALI GAYI. DO-CHAR DIN THIK SE GUJRE

    ReplyDelete
  20. Mukund Nandan's Blog10 May 2013 at 03:23

    LEKIN EK DIN FIR USKE MAMA KA PHONE AA HI GAYA KI, USNE APNI GALTI DUHARA DI HAI.
    KAHA GAYA HAI KI, KUTTE KI DUM KABHI SIDHI NAHI HOTI HAI .. SACH HI HAI.
    ISBAR MAI THAN LIYA KI, MAI ISKO AB KOI MADAD NAHI KARUNGA. AISA NALAYAK KO IS DUNIYA ME RAHNA BHI NAHI CHAHIYE .. VARNA KHARBUJE KO DEKH KAR KHARBUJA RANG BADALTA HAI KI KAHAVAT SATYA HONE LAGEGI .. SAMAJ KE DUSRE BACHCHE BHI YAH DEKH KAR BIGAD SAKTE HAI.
    MAI SATH JANE SE SAF MANA KAR DIYA.
    BAKI USKE NANIHAL KE DUSRE LOG USKO LEKAR FIR PATNA GAYE

    ReplyDelete
  21. Mukund Nandan's Blog10 May 2013 at 03:38

    VANHA USKA ILAJ SHURU HO GAYA .. SHAM SE RAAT HO GAYI AUR RAAT BHI BEET GAYI SABERA HO GAYA .. SUBAH ME USKE NANIHAL SE PHONE AAYA THODA GHAR PAR AAYIYE MAN BAHUT GHABRA RAHA HAI.
    MAI JA PAHUNCHA. VANHA PAR VAHI SAB BATEN HOTI RAHI. SUBAH 08:30 HO RAHE HONGE .. ACHANAK MERI DANYI HATHELI APNE AAP GILI HO GAYI .. MAI CHAUNK-SA GAYA KI, HAATH PAR LAGE HUE JO TARAL PADARTH THE VE TO VAHI THA JO, PICHHLI BAR USKE MUNH SE DOCTOR NE NIKALA THA.
    IS GHATNA KO USKI MAMI NE BHI DEKHA AUR USE BHI ASHCHARY HUA ..

    ReplyDelete
  22. Mukund Nandan's Blog10 May 2013 at 03:52

    TURANT USKE MATA-PITA KO PHONE LAGAYA GAYA JO BAND THI AUR KOI DUSRI JARIYA NA THI USKE BARE ME PATA LAGANE KE LIYE.
    MUJHE ACHANAK SARE SHARIR ME GUDGUDI-SI HONE LAGI MERE SARE SHARIR KE RONGATE KHADE HO GAYE.
    AISA LAGA KI, KISI NE MERE PANV CHHUYEN HO.
    MUJHE GUDGUDI HOTE HUE .. MERE RONGATE TAB KHADE HOTE HAI JAB KOI AATMA MUJHE SPARSH KARTI HAI.
    HATHELI PAR LAGE VAH KATTHAI-KALA TARAL PADARTH AUR RONGATE KA KHADA HONA MUJHE SPASHT KIYE JA RAHA THA KI RENU AB MAR CHUKI HAI.
    MAINE EK PATRA JAL MANGVAYA

    ReplyDelete
  23. Mukund Nandan's Blog10 May 2013 at 04:11

    AUR HATHELI PAR LAGE US TARAL PADARTH PAR JAL GIRATE HUE BALPURVAK BOLA-"ABHI TERI AAYU SHESH HAI .. CHAL APNE SHARIR ME VAPAS PRAVESH KAR .. ". JAL PURA JAB GIRA DIYA TO MERE SHARIR HO RAHI GUDGUDI SHANT PAD GAYI. RONGATE BHI SAMANY HO GAYI.
    YAH SAB DEKH KAE USKI MAMI BHI SAMAJH CHUKI THI KI VAH MAR CHUKI HAI.
    YAH SAB HONE KE BAD MAI GHAR VAPAS AA GAYA.
    DOPAHAR ME PHONE AAYA-" AB VAH THIK HO GAYI HAI .. SUBAH USKI SANS BAHUT DER TAK RUK GAYI THI.. FIR ACHANAK SANSE AA GAYI AUR VAH SAMANY HOTI CHALI GAYI

    ReplyDelete
  24. Mukund Nandan's Blog10 May 2013 at 04:35

    AB VAH SWASTH HAI ..". JAB VAH BILKUL THIK HUI TO APNE MATA PITA KE PAAS CHALI GAYI.
    PITA USE AB ARRAH CHHODNE KO TAIYAR NAHI .. VAH APNE MATA-PITA KE SATH RAHNE LAGI HAI.
    USE ITNI KASHT USAKE BHAGY, KARMA, JID SABKA MILA-JULA PRABHAV KE KARAN HUA.
    JO NASAMJH APNI BETUKE SOCH KE LIYE JID KARTE HAI .. GURU KE SATH-APNE PADHAI KE SATH-APNE MATA-PITA KE AADESH KE SATH KHILVAD KARTE HAI, UNKI GATI RENU KE TARAH HI HOTI HAI.
    RENU PAR TO USKE MATA PITA AUR GURU NE KRIPA KIYE..LEKIN SABKO YAH NASEEB NAHI HOTI.

    ReplyDelete

Subscribe to: Post Comments (Atom)