Monday 14 May 2012
DHARM VEER SINGH SE HO RAHE VARTALAP KO, BHAGALPUR NIVASI, ASHOK KUMAR SUNKAR APNI PUTRI KI PRAN RAKSHA KARNE KE LIYE PRATHNA KARTE HUE CHARNO KO PAKAD LIYA .. MAINE USE ASHVASAN DETE HUE KAHA SABKA MALIK EK HAI .. ISHVAR AVASHYA HI BHALA KARENGE. VISHESH VARTALAP KE LIYE MAINE UNHE APNE AVASH PAR AANE KO KAHA. AGLE DIN ASHOK KUMAR AVASH PAR AAYE AUR SARI KAHANI VISTAR SE BATAYA - " HAMARI EK HI BACHCHI HAI .. YAH BACHCHI BHI BAHUT PUJA-PATH AUR MANNAT KE BAD HUI HAI....SHESH BHAG COMMENT ME......
Subscribe to:
Post Comments (Atom)
HAMLOGO NE ISE BAHUT LAD-PYAR SE PALA HAI. JAB YAH LAGBHAG DO SAAL KI THI .. TAB SE YAH PARESHANI SHURU HUI HAI.
ReplyDeleteGARMI KI DOPAHAR THI .. HAMARI BACHCHI KHELTE HUE GHAR KE BAHAR NIKAL GAYI AUR KHELTE-KHELTE ACHANAK ACHET HOKAR GIR PADI..HAMLOGO NE USE HOSH ME LANE KE LIYE, HAR TARAH KI KOSHISH KIYA :LEKIN USE HOSH NAHI AAYA .. BAD ME DOCTOR KO DIKHAYA .. UNHONE BHI HAR TARAH SE KOSHISH KI ;LEKIN NAKAMYAB RAHE .. DOCTOR BHI BADLE LEKIN KOI FAYDA NA HUA.
BOMBAY,DELHI,MADRASH SABHI JAGAH KE DOCTOR DEKH CHUKE.
..OJHA-GUNI-MAULVI-PANDIT BHI APNE-APNE TARIKE SE THIKA KARNE KI KOSHISHE KI .. LEKIN PARINAM KUCHH BHI NA NIKLA .. AAJ USKO ACHET HUE .. SAAL LAG GAYA HAI .. DOCTOR NE BHI JAWAB DE DIYA .. ROG SAMAJH ME NAHI AA RAHA HAI.. ILAZ KYA KARON ? JHAD-FUNK KARNE VALE BHI HAR-THAK KAR JAWAB DE DIYA .. SABHI NE YAH KAH DIYA HAI .. JAB TAK YAH BACHCHI JIVIT HAI, TAB TAK SEVA KAR LO .. AB YAH BACHEGI NAHI " .. YAH KAHKAR ASHOK KUMAR FAFAK-FAFAK KAR RONE LAGE ...
ReplyDelete"GURU JI !! MERI BACHCHI KO BACHA LO .. "
BAHUT HI AART SWAR ME ASHOK JI ROTE CHALE JA RAHE THE ..
ReplyDeleteMAINE DHADHAS DIYA .. UNHE CHUP KARAYA ..
TAB MAINE PUCHH-"KYA AAP KI BACHCHI PURE EK SAAL KE DARMYAN EK BAR BHI AANKHE NAHI KHOLI ? KYA USE EK BAR BHI HOSH NAHI AAYA ?"
ASHOK JI BOLE - "MERI BACHHI BEHOSH HONE KE SAPTAH BAD SE RAT 12 BAJE KE BAAD THODI DER KE LIYE AANKHE KHOLNE LAGI .. FIR USKA AANKH KHOLNE KA SAMAY DHIRE-DHIRE BADHNE LAGA .. AB VAH RAT 12 BAJE SE LEKAR RAT 02 BAJE TAK JAGTI HAI .. AUR BHARI AVAJ ME KHANA MANGTI HAI .. KHANA BHI..
KHANA BHI JAB KHATI HAI .. TAB KHATI HI CHALI JATI HAI .. RAT KE DO BAJE TAK KHATI HI RAHTI HAI .. PANI PITI HI CHALI JATI HAI .. VAH AKELA HI DAS-BARAH AADMI KA KHANA KHA JATI HAI .. AUR DO BAJTE HI FIR SE ACHET HO JATI HAI." ..
ReplyDeleteBAHUT HI AJIBO-GARIB KAHANI SUNAYA,ASHOK JI NE .. MAINE ARAMBHIK PRAKRIYA RAVIVAR SE SHURA KARNE KA ASHVASHAN DEKAR .. SAMGRI KA NAAM LIKHVA DIYA AUR RAVIVAR KO PUNAH MILNE KO KAHA.
RAVIVAR KO ASHOK JI SADHNA-SAMGRI LEKAR HAZIR HUE ..
MAI SAMGRIYO KO SIDDH KARNE KI PRAKRIYA ..
.. LAG GAYA .. DHYAN KI AVASTH ME MUJHE AISA AABHAS HAU KI KISI NE SARI SADHNA SAMGRI UTHAKAR FEK DIYA HAI .. MAINE AANKHE KHOL KAR DEKHI TO ..KUCHH PAL KE LIYE VANHA SE SADHNA SAMGRI LUPT SA MAHSUS HUA .. FIR AGLE HI PAL SADHNA SAMGRI DIKHAI DE GAYA .. TAB HI MUJHE ABHAS HO CHUKA THA KI YAH SAMGRI BACHCHI TAK PAHUNCH NAHI PAYEGI ..
ReplyDeleteKHAIR MAINE SIDDHI KI PRAKRIYA PURI KAR .. SAMGRI DETE HUE HIDAYAT DE DI KI .. SAMGRI SAMBHAL KAR LE JANA .. BACHCHI BHAGALPUR ME HI THI AUR SAMGRI KO PAKUR SE LE JANA THA ..
..ASHOK KUMAR SAMGRI EK SUITCACE ME RAKH KAR TRAIN KE DWARA PAKUR SE BHAGALPUR KE LIYE RAVANA HO GAYE .. TRAIN BHAGALPUR ME BAHUT HI KAM SAMAY KE LIYE RUKATI THI .. ATAH ASHOK KUMAR 10 MINUTE PAHLE HI SE SUITCASE HATH ME LEKAR TRAIN KE GATE PAR KHARE HO GAYE .. ACHANAK HI .. SUITCACE KHUL GAYI AUR SARI SAMGRI TRAIN SE BAHAR JA GIRI AUR BARBAD HO GAYI .. VE APNA-SA MUNH LEKAR RAH GAYE .. BHAGALPUR UTAR KAR KHALI HATH HI GHAR GAYE.. FIR VANHA SE, DHARMVEER SINGH KO CAL KARKE AFSOS KARTE HUE SARI BAT BATAYI..
ReplyDeleteMUJHE SARI BAT DHARM VEER SINGH NE BATAYA .. MAINE MANGALVAR KO FIR SE MILNE KO KAHA ..
ReplyDeleteMANGALVAR KO FIR SE TANTRA PRAYOG KARKE, SAMGRI BHEJI GAYI .. IS BAR PANCH LOGO KE SURAKSHA ME ASHOK KUMAR SAMGRI KO LEKAR GAYE .. SAMGRI SURAKSHIT PAHUCH GAYI .. KARKRAM ARAMBH HUA .. YAH 21 DIVASIY PRAYOG THA .. EK SAPTAH KE BAD VE FIR MILE AUR KAHA .. GURU JI FAYDA MAHSUS HO RAHA HAI .. 21 DINO KE BAAD FIR SE PRAYOG KO DUHRAYA GAYA ..
AB KABHI SUDHAR HOTA TO KABHI STITHI NAZUK HO JATI THI..PRAYOG CHALTA HI RAHA ..
MAINE ISKE BAD EK VISHISHT AGHOR TANTRA KA PARYOG KIYA .. KYONKI BINA AGHOR-SHAKTI KE YAH SAMASYA SULAJHNE VALI BHI NA THI .. ASTU, DO MACHHALI, SHARAB, KAMAL KA PHUL, SAT DHVAJA, MITTI KI HANDI AADI SADHNA SAMGRI LANE KO KAH DIYA .. SARI SAMGRI TO AA GAYI LEKIN KAMAL KA PHUL NA MILA .. ASHOK KE MITRA BABU MISTRI NE BATAYA KI, EK TALAB ME KAMAL KA PHUL KHILA HAI .. VO BHI MATRA EK KI SANKHYA ME .. DHARM VEER, BABU MISTRI AUR ASHOK, US TALAB KI ORE CHAL PADE JISME KAMAL KA PHUL KHILA HUA THA ..
ReplyDeleteTALAB KE PAAS PAHUNCH KAR, BABU MISTRI AUR DHARM VEER VANHI PAR KHARE HO GAYE .. AUR ASHOK TALAB ME UTAR PADE KAMAL KA PHUL TODNE .. VE KAMAL KI OR BADHTE CHALE GAYE .. IDHAR BABU AUR DHARM KO ANUBHAV HUA KI, ASHOK AUR KAMAL KE PHUL KE BICH SADAIV DO HATH KI FASLA BANI HI RAH RAHI HAI AUR ASHOK AAGE BADHTE CHALE JA RAHE HAI .. YAH DEKH DONO CHILLA PADE -"ASHOK AAGE MAT BADHNA .. AAGE JIS OR JA RAHE HO, US OR TALAB KE ANDAR GAHARI KUNVA HAI." YAH SUNKAR ASHOK KUMAR THITHAK KAR RUK GAYE .. AUR TAB ..
ReplyDeleteUNHE YAH AHSAS HUA KI, VE KISI KE MAYAJAL ME BHRAMIT HOKAR MAUT KI OR JA RAHE THE..YAH KHYAL AATE HI ASHOK KUMAR KO KAFI GUSSA HO AAYA .. VE APNE SHIR PAR BANDHE ANGOCHHE KO SHIR PAR SE UTAR KAR, USKA EK CHHOR APNE PAKAD ME RAKHA AUR DUSRA CHHOR "JAY GURUDEV" KA NARA DETE HUE KAMAL KE PHUL KE UPAR FENKA .. KAMAK KA PHUL ANGOCHHE KE DUSRE CHHOR SE DHANK GAYA .. AUR DHIRE-SE ANGOCHHE KE SAHARE KAMAL KE PHUL KO APNI OR KHINCHA .. KAMAL KA PHUL ASHOK KUMAR KE PAKAD ME AATE HI, VE USE TOD LIYE ..
ReplyDelete..ISKE BAD VE TALAB SE BAHAR AA GAYE .. SABHI NE EK SWAR ME KAHA .. KISI DIVYA-SHAKTI KI KRIPA SE HI JAN BACHI .. VARNA US MAYAJAL NE TO, AAJ JAN LE HI LETA ..
ReplyDeleteSARI SAMGRI IKTTHI HO GAYI .. AAGE US SAMGRI KO AGHOR TANTRA KI SHAKTI SE SINCHIT KARNA THA .. MAINE TANTRA PRAKRIYA AARAMBH KIYA ..
"OM NAMO .... .... .... ...CH ....CH SWAHA" ... MANTRA KI DHIMI SWAR KA UCHCHARAN .. ABHIMANTRAN PRAKRIYA AADI PURA KARNE KE BAAD "UTARA" KARNE KI VIDHI BATLAYA .. VE SAMGRI LEKAR BHAGALPUR CHALE GAYE AUR KARIB ...
..EK SAPTAH KE BAD ASHOK KUMAR MUJHSE FI MILNE AAYE .. UNKE CHEHRE PAR PRSANNTA SAAF JHALAK RAHI THI .. BAHUT AADAR SE ABHIVADAN KIYA .. ISKE BAD VE HAATH JORKAR MERE SAMNE HI BHUMI PAR BAITH GAYE .. MAINE PUCHHA-"BACHCHI KAISI HAI? UNHONE KAHA-"GURU KRIPA KEVALAM...GURUDEV AAP NE KAHA THA .. ISE RAKSHA KAVACH PAHNANA JARURI HAI .. SO MAINE RAKSHA KAVACH KE NIRMAN KHARCH LEKAR AAYA HUN .. KAVACH SIDDH KARKE DENE KI KRIPA KAREN."
ReplyDeleteKAVACH BAN JANE KE BAAD VE BHAGALPUR JAAKAR KAVACH BACHCHI KE GALE ME DAL DI..
..ISKE BAD VE MUJHSE HAMESHA MILTE RAHE
ReplyDeleteAUR UTARITTAR LABH
KI SUCHNA DETE RAHE
... IS TARAH CHHAH (6)
MAHINE GUJAR GAYE ..
EK DI DOPAHAR ME MAI
AKELA HI BAITHA THA
KI EK LAGBHAG TIN-SADHE
TIN SAAL KI BACHCHI
HANSATE HUE MERE
PAAS AAYI AUR .. BADE
AADAR SE MERE PAANV
CHHUE .. AUR HAATH
PASAR KAR REKHA
DEKHNE KO KAHA ..
USKE IS KRITYA SE MAI
ACHAMBHIT SA RAH GAYA
AISI BADHIYA SANSKAR
ITNI CHHOTI-SI UMRA ME
KAISE AA GAYA? YAH KISKI
BACHCHI HAI? YAH MERE
BARE ME KAISE JANTI HAI?
AAKHIR ..
..MAINE PUCHH HI DALA-"BETI .. TUM KAUN HO ? TUMHARE MATA-PITA KA KYA NAAM HAI ?
ReplyDeleteTABHI BAHUT SARE STRI-PURUSH HANSTE HUE MERE SAMMUKH AA KHARE HUE .. UNME SE EK ASHOK KUMAR BHI THE. ASHOK KUMAR NE KAHA-"YAH HAMARI BETI HAI ".. KAHTE HUE KHUSHI SE UNKE AANSU NIKAL PADE .. US BACHCHI MAUSI-MAUSA,MAMA-MAMI,FUA-FUFA .. SARE RISTEDAAR AA GAYE THE .. ASHOK JI NE BARI-BARI SE SABKA PARICHAY DIYA ..
EK BAR FIR MAALIK KE DAYA SE .. MERE ARADHYA AUR GURU KE KRIPA SE .. KISI KI UJADTI BAGIYA BACH AUR BAS GAYI ..
This comment has been removed by the author.
ReplyDelete