KARAJ DHIRE HOT HAI ..

    

YAH SATYA HAI KI, UCHIT SAMAY AANE PAR HI VRIKSHA ME FAL LAGTE HAI .. LEKIN US VRIKSHA KO SAMUCHIT JAL, MITTI, HAVA AUR PRAKASH NA MILE TO .. VAH VRIKSHA KABHI PUSHPIT-FALIT NA HOGA.
ISI TARAH HAMAR JIVAN HAI. HAME UCHIT BHOJAN, AVAS, HAVA AUR PRAKASH (NAV GRAH KA) NA MILE YA FIR MILE BHI TO DUSHIT TO, HAMARA JIVAN TANG HAAL HO JATA HAI. HAMARA JIVAN HO YA SRISHTI EK SYSTEM (TANTRA) ME KAAM KARTI HAI. YADI ISME BIGAD AA JAYE TO HAM SAMUCHIT VYAVSTHA DEKAR SUDHAR LENE KI KOSHISH KARTE HAI.
YAH KOSHISH APNI YOGYTA KE DWARA .. YA FIR KISI GURU KE MADHYAM SE KIYA JA SAKTA HAI. YAH KOSHISH TO HONE HI CHAHIYE .. YADI KOSHISH KIYA HI NA JAY TO KOI KAAM AAGE KAISE BADHEGA ? KISI BHI MUDDE KO AAGE BADHANE KE LIYE HAME SHARIRIK AUR MANSIK YOGYTA KO TO DIKHANA HI PADTA HAI. YADI KHUD ME AATM-BODH AUR AATM-GYAN HO TO KISI GURU KI AAVASHYAKTA NAHI PADTI LEKIN JAB YAH GUN KHUD ME NA HO TO KISI SADGURU KI SEWA KARKE KHUD ME IS SADGUN KO VISIT KAR LENA ANIVARY HO JATA HAI. GURU KE SANRAKSHAN ME RAHTE HUE BHI IS SADGUN KO VIKSIT HONA ANIVARY HAI .. VARNA KHUD ME AUR EK PASHU ME KOI KHAS ANTAR NAHI HOGA. AATM-BODH AUR AATM-GYAN KYA HAI .. ISKO SAMAJH LENA BHI ANIVARY HAI .. MAHAJ SHABDON KO PADH LENA AUR SUN LENA HI PARYAPT NAHI HAI.

           AATM BODH KYA HAI ?

ANTARAATMA KI AVAJ KO SUN LENE PAR HAME AATM BODH HONE LAGTA HAI. HAM JAB KOI KARY KARNE CHATE HAI .. YADI VAH KARY ANUCHIT HAI TO HAMARE MAN ME US KARY KO KARNE SE THODI HICKICHAT SI HOTI HAI .. AUR JAB HAM KHUD KO US GALTI KO KARNE SE ROK   LETE HAI TO .. SAMAJH LENA CHAHIYE KI, HAME AATM BODH HO CHUKA HAI .. MANOVIGYAN ME SUPER EGO KI VYAKHYA KI GAYI HAI .. JAB HAMARI ID (HAMARI AADIM CHINTAN SHAKTI) .. HAME KISI KARY KO KARNE SE USKATI HAI TO HAMARI EGO (ID AUR SUPER EGO KE MADHYA SAMBANDH BANA DENE VALA MADHYAM) .. YAH SUCHNA SUPER EGO KO DETI HAI .. SUPER EGO SAHI YA GALAT KA NIRNAY DEKAR..KARY NISHPADAN KI SALAH DETI HAI .. SUPER EGO HAMESHA UCHIT KARY KARNE KI HI SALAH DETI HAI ..AUR JAB HAMARI EGO KHATMA YA KAMJOR HO JATI HAI TO YAH ID KI SARI SUCHNA SUPER EGO KO NAHI DE PATI AUR TAB HAM KUCHH BHI ANAAP-SHANAAP KARY BHI KARNE LAG JATE HAI.

                                                                                            AB MERI BAAT ...EGO KE MADHYAM SE SUCHNA SUPER EGO TAK PAHUNCH JAYE ISKE LIYE HAME KUCHH KADAM UTHANE CHAHIYE  .. JAISE KISI KARY KO KARNE SE PAHLE HAMARI MASTISHK KUCHH SOCH-VICHAR KAR SAKE .. ISKE LIYE THODI DER TAK HAME THAHAR KAR KAAM KARNE KE LIYE VICHAR KAR LENA CHAHIYE .. VARNA JAISE HI KOI VICHAR AAYA AUR JHAT KARY KAR BAITHE TO AISE ME AADIM AATMA CHINTAN SHAKTI HAMARE UPAR HAAVI HOKAR .. PASHVIK KARY BHI KARVA SAKTI HAI .. LEKIN JAB HAM THODI DER TAK  RUK JATE HAI TO HAMARI EGO .. SUPER EGO TAK SUCHNA PAHUNCHA KAR SAHI GALAT KA NIRNAY DE DETI HAI .. AB SUPER EGO KE NIYANRAN ME KHUD KO KARKE .. HAM HAMESHAS UCHCHA STARIY KARY HI KAR SAKTE HAI .. AUR KHUD KO AATM-GLAANI SE BACHA SAKTE HAI. ISKE LIYE HAME SATAT ABHYAS KARTE RAHNA CHAHIYE TAKI HAM AATM-BODHI BANKAR JIVAN KI SAMUCHIT VIKASH ME UCHIT KARYON KO KAR SAKE. KABHI-KABH AISA BHI HOTA HAI KI, SANSKARVASH YA ANYA KISI KARAN SE HAMARI EGO NASHT-SI HUI RAHTI HAI .. AISE ME HAME GURU KE SHARAN ME RAHNA CHAHIYE .. UNKI SEVA KARKE .. UNKI JARURAT KI AAPURTI KARKE .. UNHE PRASHNA KARNA CHAHIYE TAKI VE HAMARI .. AATM CHETANA KA VIKASH KARNE ME KHUSHI MAHASUS KAREN .. UNKE NIRDESHANUSAR .. KARY KO KARKE KHUD KO AATM-BODHI BANANE KI KOSHISH KARNI CHAHIYE.

VAH PRET USKO HILANE DULANE LAGA AUR FIR

AUTHER : MUKUND NANDADN

FACEBOOK : Mukund (dot) NANDAN

TWITER : Mukund_Nandan

                                     

YAH EK SATYA GHATNA HAI. BAAT KUCHHEK SAAL PAHLE KI HAI. EK DIN DURGA NAAM KI EK LADAKI APNI MATA KE SATH MERE PAAS AAYEE.
VAH BOLI -"MERA NAAM DURGA HAI .. MUJHE AAPKE RELATIVE MURARI JI NE AAPKE BARE ME BATAYA HAI. YAH MERI JANMA KUNDLI HAI. ISE DEKH LIJYE."
USKE MAA NE KAHA -"THODA ISKE VIVAH KE BARE ME DEKH KAR UPAY AADI BATLAIYE."
MAINE USKI KUNDLI PARIKSHAN KIYA TO PAYA KI, ISKI VIV  AH TO HO CHUKI HAI .. AUR YAH PATI DWARA TYAG DI GAYI HOGI.
SO MAINE YAH BAAT PUCHH HI DALA AUR IS SATYA KO MAAN LEE. UNLOGON  NE AAGE KAHA KI, BADI SHRADDHA AUR DHUM-DHAM SE SHADI HUI THI .. LADKA DELHI ME KAAM KARTA THA. SHADI KE KUCHH SAMAY BAAD SE HI USKA AACHARAN SANDEHASPAD HO GAYA THA .. KAFI DER RAAT GAYE GHAR VAPAS AANA .. PUCHHNE PAR ULTA GARAM HOKAR JAWAB DENA KABHI KABHI TO VAH GHAR BHI NAHI AATA THA .. DHIRE-DHIRE MAHAUL KHARAB HOTA CHALA GAYA .. EK DIN MAINE  USKI PICHHA KI TO USE EK GAIR LADKI KE SAATH DEKHA .. IS BAAT KO LEKAR TAKRAR HONE LAGI .. AUR VAH KAFI NARAJ HOKAR MUJHE PITNE LAGA .. VAH MUJHE ITNA MARA KI MAI BEHOSH   HO GAYI .. ISKE BAAD MUJHE JAB HOSH AANE LAGA TO SHARIR PAR KUCH THANDHI TARAL PADARTH GIRAYE JANE KI ANUBHUTI HUI .. VAH MERE UPAR KIROSIN TEL UDEL RAHA THA .. VAH JYONHI MACHISH JALAKAR MERE UPAR FEKNA CHAHA .. TYONHI MAI  PURI SHAKTI KA PRAYOG KARTE HUE UTHKAR GHAR SE BHAG NIKALI.
ISKE BAAD MAI CHHUPTE HUE KISI TARAH RAILWAY STATION JA PAHUNCHI AUR FIR ARRAH AANE VALI TRAIN ME JA BAITHI.
ARRAH VAPAS LAUTE HUE MUJHE PANCH VARSH BIT GAYE .. LEKIN VAH MUJHE LIVA JANE KE LIYE NAHI AAYA. BAAD  MUJHE PATA CHALA KI VAH USI LADKI KE SATH SHADI RACHA KAR EK BETI KA BAAP BAN BAITHA HAI. HAMLOG DHAN AUR JAN SE KAMJOR HAI .. ISLIYE USKA KUCHH KAR BHI NAHI SAKTE .. AB MERE AAGE EKMATRA RASTA BACH JATA HAI KI MAI APNI NAYE SHIRE SE NAYI JINDAGI KI .. NAYI SHURUAT KARUN ISKE LIYE HAMLOG AAPKE PAAS AAYEN HAI .. KOI BADHIYA AUR KARGAR UPAY HAME DIJIYE.
UNLOGON KI KAHANI SUN CHUKNE KE BAAD MAI PUNAH USKE JANMA KUNDLI KA PARIKSHAN KIYA .. USE TEEN SIDDHA RING, ASHT LAXMI SHANKH AGHU PRAYOG .. KUCHH PUJAN VIDHI BATLA DIYA. BAAD ME YE SARI SAMGRI VAH LE GAYI AUR VIDHIVAT PRAYOG KARNA AARAMBH KAR DIYA.
KARIB 20 DINO KE BAAD USKI MAA AKELE HI MERE PAAS AAYI .. USKI MAA ADHED UMRA KO PAR KAR CHUKI THI. VAH MERE PAAS AANE KE BAD APNI VYATHA KAHNI SHURU KI, MERE SATH BHI BAHUT BADI HADSA HUI HAI. MERE PATIDEV KOLKATA ME KAAM KARTE THE .. VAH PRTYEK TEEN MAHINE PAR VAPAS GHAR AATE THE. CHUKI UNKI KHANDANI MAKAAN ARRAH ME HI THA ATAH VE MUJHE YANHI PAR RAKHTE THE .. AUR PURA MAHINE BHAR MERE SATH RAHNE KE BAAD FIR APNE KAAM PAR CHALE JATE THE .. IS TARAH MUJHE TEEN LADKI AUR EK LADKA HUA.
PURE TEEN MAHINE HO CHUKE THE VE NAHI AAYE .. MAI KUCHH DIN AUR INTAJAR KI .. TAB JAKAR UNKE OFFICE KE TELIPHONE NO. MALOOM KAR PATA LAGAYI TO MALOOM CHALA KI VE BIMAR HONE KI BAAT LIKHKAR OFFICE SE CHHUTTI LE RAKHI HAI .. MAI OFFICE STAFF SE GIDGIDAKAR UNKE HAAL-CHAAL MALOOM KARNE KO KAHA. AGLE DIN MAINE FIR PHONE KIYA TO OFFICE STAFF NE KAHA KI VE KISI AUR GHAR RAHTE HAI .. AUR VELOG MUJHE MILNE DENE SE MANA KAR DIYA HAI SO MAMLA KUCHH GADBAD MALOOM HOTI HAI .. SO AAP KHUD AA        KAR MAMLE KO SAMAJH LIJIYE IIII
ISKE BAD MAI APNE BHAI KE SATH VANHA JAB PAHUNCHI TO ... .... ITNA KAHKAR VAH FUT-FUT KAR RONE LAGI .. FIR KYA HUA KAHKAR MAINE USE TOK DIYA.
FIR VAH AAGE KAHNE LAGI .. JAB MAI VANHA PAHUNCHI TO MALOOM HUA KI UNKI MRITYU HO CHUKI HAI AUR UNKA SHAV ABHI USI LOG KE GHAR ME HAI JISKA JIKRA OFFICE STAFF NE KIYA THA. MUJHE VANHA JAKAR KAFI JAGADA KARNE KE BAAD UNKI SHAV MUJHE MIL PAYI. SHAV KO LEKAR HAM BHAI-BAHAN ARRAH VAPAS AA GAYE .. YANHI PAR UNKA DAAHKARMA KIYA GAYA. KRIYA-KARMA SE NIPAT LENE KE BAAD MERE BHAI NE MERE BETE KE ANUKAMPA PAR NAUKARI AUR MUJHE FAMILY PENSION MILE .. ISKE LIYE AAVEDAN PATRA VIBHAG KO DILVAYA. LEKIN PATA CHALA KI PAHLE SEHI KOI AUR AURAT KHUD KO UNKI PATNI BATLA KAR FAMILY PENSION KE LIYE AAVEDAN DE CHUKI HAI. MERA MAMLA ULAJH-SA GAYA TAB SE LEKAR ABTAK CASE CHAL RAHA HAI .. AB TAK NA TO MUJHE FAMILY PENSION HI MILA AUR NAHI MERE LADKE KO NAUKARI .. AB AAP HI KOI RASTA DIJIYE KI, HAM SAB KA KALYAN HO SAKE .. II
MAINE USKE LADKE KI JANMA KUNDLI MANGI TO VAH AGLE DIN US LADKE SAHIT KUNDLI LEKAR MERE PAAS AAYI. MAINE KUNDLI PARIKSHAN KIYA AUR US LADKE KE KUCHH TANTRA SAMMAT SAMGRIYAN BATLAYI AUR DO EK SIDDHA RING KI SALAH DI. IN SAMGRIYON AUR RING KA VIDHIVAT PRAYOG KIYA JANE LAGA.
EK DIN VAH MAHILA PUNAH MERE PAAS AAYI AUR KAHNE LAGI .. AB KAAM AAGE BADHNE LAGA HAI .. LAGTA HAI KI, AB KAAM SAFAL HO JAYEGA .. MERE LADKE KO SERVICE MIL JAYEGI AUR MERA FAMILY PENSION BHI BAN JAYEGA .. LEKIN THODI SI BAAT KO LEKAR KAAM HOTE HOTE TAL JAA RAHA .. ATAH AAP MUJHE BHI KUCHH PUJA-PATH BATLA DIJIYE. MAINE USKE GHAR KA MUYAYNA KARNE KE BAAD PUJA BATLANE KI BAAT KAHI. VAH AGLE DIN APNE GHAR PAR AANE KA NIMANTRAN DEKAR CHALI GAYI. JAB AGLE DIN USKE GHAR PAHUNCHA  .. USKE SAATH THODI DER VARTALAAP HUI FIR VAH ANDAR CHAAY BANAKAR LAANE KI BAAT KAHKAR ANDAR CHALI GAYI.
MUJHE AISA LAGA KI, KOI PADOS KE GHAR ME KISI KE SAATH KAFI GARAM HOKAR BAAT KAR RAHA HAI - ''KYON AAYA HAI YANHA ?  CHUP CHAP CHALA JA YANHA SE ... MUJHE CHAIN SE RAHNE DE   ... EK TO MERI JINDGI MUJHSE CHHIN GAYI .. AB TU AAYA HAI MERE CHAIN KO KHATMA KARNE ?? .... YAH SUNTE HI KI "MERI JINDGI CHHIN GAYI"  .. MERE KAAN KHADE HO GAYE .. MUJHE SAMAJHTE HUE TANIK DER NA LAGI KI, YAH AAVAJ PADOS KE GHAR SE NAHI BALKI MERE AGAL-BAGAL ME KOI PRETAATMA BOL RAHA HAI .. MAI US AAVAJ KO LAKSHYA KARKE BOLA -"KISNE TUMHARI JINDAGI CHHIN LEE .. TUMHE YANHA SE JANE ME KYA KATHINAYI HAI ?"
USNE KAHA -"MUJHSE NADANI ME GALTI HO GAYI THI .. VAH AURAT DAAYAN THI .. USNE MUJHE PAISE KI LAALACH ME MANTRA BAL  SE  APNE VASH ME KAR RAKHA THA   .. MAI JAB KABHI KISI MANDIR ME JATA THA TO USKE MANTRA SHAKTI KAMJOR HO JATI AUR MUJHE AATM-BODH HOTA .. MUJHE APNI GALTI PAR AFSOS HOTA .. KI, MUJHE APNI PATNI KO IS KHOTI AURAT KE LIYE DHOKHA NAHI DENI CHAHIYE THA .. LEKIN AB AFSOS KARNE SE BHI KYA FAYDA ? .. EK DIN USKE SATH KAFI    KAHA-SUNI HO GAYI THI .. KYONKI JAB MUJHE AATM -BODH HONE LAGA THA .. TAB MAI US SE KAFI DURI BANA KAR RAHNE LAGA THA .. IS BAAT PAR USNE KAH DIYA KI, MERA KISI AUR KE SATH CHAKKAR HAI .. YAH SUNKAR USE MAI KAH DIYA - TUJH JAISI DAAYAN SE TO DUSRI AURAT BHALI HAI .. .. IS PAR VAH AAG-BABULA HO UTHI AUR KAHA- JA JAB TUNE MUJHE DAAYAN KAH HI DIYA TO TUJHE MAI SAPTAAH LAGTE-LAGTE KHAA JAUNGI .. USI RAAT MERE SINE ME DARD-SA HONE LAGA .. JO BAD ME BADHTA HI CHALA  GAYA .. SACHMUCH .. USNE MUJHE SAPTAAH LAGTE-LAGTE MANTRA BAL SE MAAR DALA .. AUR JAB MERI LAASH PADI HUI THI .. JISKE MERI PATNI USKE SATH KAFI JHAGDE KIYE THE .. SO USNE MUJHE APNE MANTRA-BAL PAR BAANDH KAR ISKE SAATH LAGA DIYA .. TAB SE MAI ISKE SAATH HUN .. ISKO CHHOD KAR MAI KANHI JA BHI NAHI PATA; KYONKI MAI USKE MANTRA ME BANDHA HUA HUN".

MAINE US SE PUCHHA-'' YADI MAI YANHA SE MUKTA KARVA DUN TO ?''       ''MUJHE MUKT MAT KARO ...  YADI KUCHH KAR SAKTE HO TO MUJHE PRET-YONI SE HI MUKTI DE DO''.-USNE KAHA.
 THIK HAI MAI AISA HI KARNE KI KOSHISH KARUNGA- MAINE JAWAB DIYA. TAB TAK VAH MAHILA CHAY BANAKAR LAATI HUI DIKHAI DI AUR AATE HI PUCHH BAITHA-'' KIS SE BAAT KAR RAHE THE ?''   .. MAI BINA KUCHH BOLE HAATH ME APNA MOBILE PHONE DIKHLA DIYA. VAH SAMAJH BAITHI KI MAI KISI SE APNE MOBILE PAR BAATEN KAR RAHA THA. CHAAY KI CHUSHKI LETE HUE US PRETAATMA KI MUKTI KE UPAY PAR CHINTAN-MANAN   KARTA RAHA. CHAAY KI AAKHIRI CHUSHKI KHATMA KARTE HI .. MAINE KUCHH  PUJAN-SAMGRI KHARIDNE KI SALAH DI AUR TEEN DINO KE BAAD SADAKSHINA UPASTHIT HONE KO KAHA.

TEEN DINO KE BAAD VAH MERE PAAS SADAKSHINA UPASTHIT HUI. USE MAI SIDDHA KIYA HUA YANTRA DEKAR .. PUJAN KARNE KI PANCHOPCHAR VIDHI SIKHLA DI. VAH PADHI-LIKHI NAHI THI .. ATAH USKE LIYE MUJHE KHAS TAREEKE SE YANTRA SIDDHA KARNE PADE THE. USKO PUJAN KE BAAD NITYA AADHE GHANTE TAK YANTRA KE SAMNE BAITHNE THE. VAH NITYA PUJAN KARKE AADHE GHANTE TAK YANTRA KE SAMNE BAITHNE LAGI .. USKO MAINE AISA 21 DINO TAK KARTE RAHNE KI SALAH DIYA THA. DAS DIN BITE HONGE .. KI, EK DIN USKI LADKI DURGA MERE PAAS AAYI. AANE KE BAAD KUCHH DER TAK IDHAR-UDHAR KI BAAT KARTI RAHI. FIR APNE BARE ME BOLI KI, MUJHE APNI KOSHISH-PUJAN KARNE SE KUCHH LAABH MILTA HUA SAMAJH ME NAHI AA RAHA HAI .. HAAN II EK BAAT MUJHE MAHSUS HOTI HAI KI .. JAB BHI MAI PUJA KARTI HUN .. MERE MAN ME EK AJIB -SI KHUSHI MAHSUS HOTI HAI. MERE PUJA KE FAL KO TEJ KARNE KE LIYE .. AAPKO BHI KUCHH KARNA PADEGA .. ||

MAINE USE SAMJHAYA - "KISI BHI SIDDHA KIYE GAYE YANTRA ME JIS DEVI YA DEVTA KI STHAPNA KI HUI HOTI HAI .. VAH GURU KE MADHYAM SE KI  HUI HOTI HAI AUR US YANTRADI KE PUJAN AADI KA FAL DEVTA GURU KE MADHYAM SE HI LETE HAI AUR US PUJA YA SADHNA KA FAL GURU KE MADHYAM SE DETE HAI .. AISE MUJHE ALAG RAHNE AUR ALAG SE KOI VISHESH PRAYATNA KARNE KI KOI JARURAT NAHI HAI .. JAB TUM SADHNA ME BILKUL TANMAY HO UTHOGI .. AUR IS KARAN JAB SADHNA PARIPAKVA HO JATI HAI .. TAB PRAYAH DEV HI GURU RUP ME SADHAK KE SADHNA KE DAURAN PRAKAT HOKAR JAP GRAHAN KARKE PRATYAKSHA RUP ME SADHNA KE FAL KO DE DETE HAI. ISLIYE TUM BINA KOI CHINTA KIYE NIRANTAR SADHNA KARTI CHALI JAO ..II ISKE BAD VAH CHALI GAYI. FIR US BUJURG MAHILA KE PUJAN KE 21ven DIN AAYI AUR KAHNE LAGI -'' MAA JAB PUJA KARTI THI TO .. VAH PUJA KE DAURAN AJIBO GARIB HARKAT KARNE LAG JATI THI .. PAHLE TO EK SAPTAH USKE PUJA KE SAMAY MAI GHAR PAR THI HI NAHI .. JAB THI TO MAINE DEKHA KI, VAH PUJAN KE DARAN .. APNA CHEHRA SURKH-LAAL SA KAR LETE HAI AUR AANKHE LAAL-LAAL KARKE AUR FAAD FAAD KAR IDHAR-UDHAR DEKHNE LAGATI HAI .. KABHI-KABHI USKE MUNH SE BHAYANAK-SI AAVAJEN NIKALNE LAGATI HAI .. TO KABHI VAH HOOH-HOOH-HOOH BOLTE HUE JOR-JOR SE JHUMNE LAG JATI HAI .. AAJ MAINE USE JAB USKO AISA KARTE DEKHA TO MUJHE KAFI GUSSA HO AAYA .. YAH KYA ROJ - ROJ PUJA KE DAURAN NAUTANKI KIYA KARTI HAI .. MAINE YAHI KAHTE HUA USKO JOR SE DAANT DIYA. BAS KYA THA VAH MUJHE GHURNE LAGI AUR BOLI .. USKI AVAJ DOHRA NIKAL RAHA THA .. LAG RAHA THA KI, MARD AUR AURAT KI AAVAJ EK SAATH KANTH SE NIKAL RAHI HAI -'' CHUP || TU KYA JANTI HAI .. US VAKTA TU BAHUT CHHOTI THI .. TERI MAA SAB JANTI HAI .. MAI AB KUCHH KARUNGA NAHI  .. BAS THODI DER AUR HILAUNGA-DULAUNGA AUR FIR SADA KE LIYE CHALA JAUNGA .. .. .. AISA HI HUA MAA THODA HILNE DULNE KE BAAD .. RONE LAGI .. FIR JAB CHUP HUI TO SABKUCHH SAMANY-SA HO GAYA.'' .. .. AB AAGE KYA KARNA HOGA ?
MAINE KAHA -''AGLE DIN MAA KE YANTRA KO KISI NAHAR YA NADI ME VISARJIT KARVA DENA BAS''.
VAH AAGE KAHNE LAGI-'' KUCHH KHUSHIYAN SAMNE AA RAHI HAI .. MERI BAAT EK JAGAH PAKKI HONE VALI HAI .. MAA KE FAMILY PENSION KA KAGJAT SAKARATMAK RUP SE AAGE BADH CHUKI HAI ..... II

SAMAY APNI GATI SE AAGE BADHATA CHALA GAYA ..  KAREEB DO MAAH BAD DURGA APNE MAA, BADI BAHAN AUR BHAI KE SATH MERE PAAS AAYI .. HAATH ME USKE VIVAH KI NIMANTRAN-PATRA THA. USKA AAGE BADHKAR MERE CHARAN CHHUKAR BOLA -''HAMLOG MUKADMA JEET GAYE .. MAA KO  FAMILY PENSION BAN GAYA AUR MUJHE PITA JI KE JAGAH PAR NAUKARI LAG GAYI .. YAH SHADI KA CARD HAI .. HAM SAB AAPKO NIMANTRAN DENE AAYEN HAI.''
''THIK HAI  MAI JARUR AAUNGA'' -MAINE JAWAB DIYA. ISKE BAAD KUCHH DER IDHAR-UDHAR KI BAATEN HUI AUR SABHI VAAPAS CHALE GAYE .. .. .. .. SAATH HI SAATH VAH PRET BHI SADA KE LIYE .. .. IN LOGON KO SATANA CHHOD KAR .. APNE NAYE JIVAN - YATRA KE LIYE JAA CHUKA THA.   .. .. .. HARI OM TATSAT II

TAB JAKAR UNKE PRAN PAKHERU UD GAYE -Ek Satya Katha

Patra - Maya Sinha, Mala  Sinha Aur INke Parivar Ke Anya Sadasy
Ghatna Sthan - Patna,, Kankadbagh Aur Arrah ( Sanyukta)yy
Ghatna Avadhi - Kuchh Varsh Pahle
Apni Apni Samasya Samadhan Ke Liye Aaye Logon Ki Majlish Lagi Hui Thi .. Mere Bahar SeAaye Ristedar Bhi Apni Samasya Samadhan Hetu Utsuk The.
Usi Vakta Arrah, Shital Tola Se Ek Das Varshiy Balak Ne Aakar Suchna Di Ki Patna se Phone aaya Hai Ki, Nana ji Ko Bukhar Lag Gaya Hai .. Mere Pas Baithe Mausa Ji se Usne Kaha Tha. Uske Mausa Ji Ka Naam Murari ji Hai .. Aur Ye Mere Gotra Me Ristedar Lagte Hai. Maine Kah Diya Ki, Yah Kisi Mamuli Bukhar Ki Suchna nahi Hai .. Yadi Dhyan Na Diya Gaya To Sthiti Najuk Ho Jayegi. Is Baat Par Murari ji Ne Kaha -" Acapki  Yah Baat Kuchh Atishayokti Si Nahi Lagti ?" .. Mujhe Bole Raha Na Gaya .. Maine Bol Hi Diya - " Mere Kathya KI Satyta a Parikshan Samay Aane Par Swatah Ho Jayega."
       
Samay Bita. Karib 20 Din Baad Mala, Maya, Murari ji Aur Kuchh Anya Log Aaye .. Sath Me Kuchh Janma Kundaliyan Bhi Thi .. janma kundli ko Dikhlate Hue ve log Puchh baithe Ki Us Bimar Pade Vyakti Ki Vastvik Sthiti Kya hai ? Is Se Jyada Ve Log Kuchh na kaha. Mai Kuchh jyada Puchh Taach Kiye Bagair Hi janma kundli Ka Parlkshan Kar Dala.
Usme us bimar Vyakti, unke Putra aur Anya  Logon Ki kundaliya Thi.
Kundli Parlkshan Ke Bad maine Kaha -" Ab Unki Thik Hone Ki Ummid 50-50 Percent Hai."  Unlogon Ne Ek Sawar Me kaha Doctor ka Bhi to Yahi Kahna Hai.
Unlogon Ne Aage Kahani Bataya Ki, Sabhi Ke Sabhi .. Pahle Ise Ek Sadharan Bukhar Samajh Rahe The Lekin Badhiya Se Badhiya Dava Dene Ke Baad Bhi jab Bukhar Na Utara Tab Janch - Parikshan Kiye Jane Ke Baad Bhayankar Jaundice Rog Nikla Aur Doctor Ne Sthiti Ko Dekhte Hue kaha ki Aise Rogi Ke Prati 50-50 Ki Ummid Ki ja Sakti hai.
Aapke Paas Sudhar Karne Ke liye Koi Upay ho TOo De dijiye .. ||
Maine kaha -'' Samay Kafi Aage Ja chuka Hai .. Ab Pita-sukh Vriddhi Ke hi Upay Diye  Ja Sakte Hai .. inke Putra Pran-Pratishthit Asali Manikya Aur Panna Dharan Karen To Kuchh Labh Milne Ki Aasha Ki Ja Sakti Hai."
Achchha Thik Hai .. Kahkar Sare Log Chale Gaye. Lekin Upay Karvane Hetu Kuchh Na Kaha.
5 Din bit Jane ke Fir Sare Log Aaye. Mal Aur Maya Joki, Us Bimar Vyakti Ki     Putri Thi Kahne Lagi .. Doctor Jawab Dekar Unhe Ghar Bhej Diya hai Aur Kaha Ki, bas ab Aap log InkiSeva Kijiye .. Ab To Unke Hath-Panv Bhi Bilkul Kam Nahi Kar Raha Hai .. Sharir To Bilkul Hi Hil - Dul Nahi Kar Raha Hai. Aap Kuchh Aisa Upay De Dijiye KI, Sharir Se Aatma Hi Baahar Na Nikal Paye .. Ab to Ve Jivit Bachenge Nahi.
Maine Kaha-"Prakriti Ke SAth Chhed-Chhad Karna Uchit Nahi Hai. Prakriti To Apna Kam Karegi He."
Vah Boli -"Chahe Jo Bhi Ho .. Bas Aap Hame Upay De hi dijye .. Nahi To Mai Anna-jal Tyagkar Aapke Dwar Par Padi Rahungi .... ||"
Unki Jid Ko Dekhkar Maine Kaha Ki .. Thik Hai Aap Mujhse Tin Ghante Baad Miliye .. Tabtak Mai Aapke Kahe Anusar Samgri Taiyar Karta hun.
Ve Sabhi Chale Gaye. Tab  tak Mai "Aghor Bajrangi Mala" Siddha Kiya. Is Aghor Shakti KO Siddha Karne Ke Pichhe Rahasya Yah Tha Ki, Pauranik Kathaon Me yam Ke Doot Aatma Lene Aati Hai. Ye Pret To nahi  Lekin Kisi Pret Se Kam Bhi Nahi .. Bhale Hi Ye devyoni Me   hai .. Fir Bhi Aatma-Pret Aadi Se Inka Gahara Sambandh Rahta hai.
Teen Ghante Baad Velog Punah Hajir Hue Aur Puri Shraddha Se Us Siddha Samgri Ko Grahan Kiya.
Ab Agle Teen Dino Tak Velog Koi Sampark Nahi Rakha. Chauthe Din Kuchh Naye Logon Ke sath Velog Fir Aaye. Ve Sabhi Kahani kahne Lage - "Mala To Unke Gale Me Daal Diya Gaya hai .. Bahut Hi Ashchary kar Dene Vali Baat Hai Ki, Ve Achanak Hi AAnkhe Kholte Hai ..  Unki Aankhe Surkh Laal-si Aur Krodhit Dikhti Hai .. Unke Gale Se Gurrahat-Si Aavaj  Aavaj Aane Lagti Hai .. jo Haath hil Tak Nahi Sakti Vah Haath Uthkar Mala Tak Ja Pahunchati Hai Aur Gale Ki mala Utar Dene Ki koshish Hoti hai .. hamlog Unko Aisa Karne Se Unhe Rok Rahe Hai .. iske Liye Vanha Par Bari Bari SE Har Koi Pahra De Raha Hai .. .. .. .. "
Gap-Shap Chal Raah Tha Ki Mujhe Murde Ki Sharir Se Nikalne Vali Gandh-Si MahSus HoneLagi. Mujhe Samajhte Der Na Laga Tha .. Ki Kisi Mritak Ki Aatma Mere Kamre Me Pravesh Kar Chuki Hai. Vah Aatma  Kisi Prakar Ki Anargal-Si Harakat Na Karni Shuru Kar De .. Ab mujhe Usko Shant Kar Lena Ek Anivary Kary Tha.
Unlogon Se Baten Karte Hue, Us Aatma Ko Laakshit Kar Apni Dhyan-Shakti Uske Or Prakshepit Karte Hue .. Use Mai Sandesh Dene Laga - "Tum Kaun Ho ? Yanha Par KisLiye Aaye Ho ? Tumhe Kya Chahiye ? Aadi .."
Mujhe Joron Ki Pyas Ki Anubhuti Hui .. Aisa Lag Raha Tha Ki, mujhe Kai Dino Se Pani pine ko na Mila Ho. Mujhe Yah Samajhte Der na Lagi ki, Yah Aatma Kiski hai. Prayah Maine Dekha Hai Ki, Bimar Vyakti Jo ki kuchh bhi kah Pane Me Asamarth ho Use, vakta Par Pani Nahi Mil Pati .. Mai Apna Dhyan Khandit Karte Hue Unlogon Se puchha Ki, Aaplogon Me se Kisko Pyas Lagi Hai .. Mere Aisa Kahne Par Vah Aatma kisi Na Kisi ko Laakshit kar .. Uske Shaarir Me pravesh karke .. pani Pikar Tripta Ho Jayegi.
Mere is Asambhavit-sa Prashna Sunkar Sabhi Log Chakit- Sa Mukh Banakar Ek-Dusre ka Munh Niharne Lage. Tabhi Unke Sath Aaye ek 11 Varshiy Balak Jor se bol pada Ki< mujhe Pani PIlao .. bahut sara pani Pilao. Maine uske Liye Pani Mangavaya. Vah Puri Ki Puri Do JUG Pani Pee Gaya. Us Chhote se Balak Ke Aisi Harakat Se Sabhi Chakit Aur Bhaybhit-sa dikh rahe The.Mai Iske Baad Unlogon Se kuchh Jyada BatChit Nahi Karna Chahta Tha. Atah Maine Unhe Kah Diya Ki, Ab Aaplog Apne Ghar Chale Jayiye: Kyonki mai Samjha CHuka Tha KI, Prakriti Apni Kary Puri Kar Chuki hai. Tabhi Ek Dusra Baalak Daurta Hua Aaya Aur Aate Hi bola -"Sab Koi Ghar chaliye .. Maa Ro Rahi Hai .. Patna Se Phone aaya Tha .. :

Do Din Bit Gaye. Mujhse Kisi Prakar Ka sampark unlogon ne nahi kiya. 3re Din velog fir Aaye Aur Aage Ki kahani Bataye Jo Is Prakar Tha :

Ham sabh Bari Bari Se  Unpar pahra De Rahe The ki, Ve Apna Mala Gale se Nikal Na baithe. Is Kary Ke Liye Ek Bar Me Do Vyakti Ko Lagaya Jata Tha Aur Ghar Ke Baki Sadasy Ghar Ke Dusare Kary Jaldi-jaldi Niptate The Ki, Kisi Honi-Anhoni Ke Liye Sabhi Mushtaid Hokar   Jang CHed Sake..... Us Din Ajibo-Garib Ghatna Ghati. Ve Subah Se Hi Apni Laal-Surkh Aankhe Kholte .. Gale Se Krodhpurn Gurrahat Si Aavaj Nikalti Thi .. Ve Bar bejan Hathon ko bhi Mala tak le jate The .. Ve Mala Noch Fenkna Chah rahe the .. Aur Sabhi Unhe aisa Karne Se Rok De Rahe The .. Yah Kriya- Klap Bahut samay Tak Jari Raha .. Pahra Dene Aur Jaagran Karne Ke Karan Sabhi Thak Kar Chur Chur Ho chuke The .. Ki Achanak .......

Ghar Ke Sare Sadasyon Ko Joron Ki Nind Aane Lagi .. Jo janha Par Tha Vo Vanhi Par Apna Sone Ka Jagah Banakar So gaya .. Pahara De rahe Dono Vyakti Bhi .. Apni Apni chair Par Gahri Nind Me So gaye .... Thodi Der Ke Bad Ek joron Ki Dhamakedar Avaj Si Sunayi Di Aur  sabke Sab Chaunk Kar utha Baithe .. sabka Dhyan Unki hi or Gaya .. sabhi Unke Kamre ki or lapak kar Daur Pade .. Chair Par So Rahe Dono Vyakti Bhi Chaunk Kar Jaag Pade .. Jo drishya Tha .. Ki, Puchho Mat .. Ve Apna Mala Gale Se utar Lene Me Kamyab Ho Chuke the .. Kaal Fir Ekbar Apne Upar Dosharopan Lagne Se Khud ko Bacha Chuka Tha .. Unka Is prakriti Me Jivan-Kaal pura Ho Chuka Tha .. Unke PRAN PAKHERU UD CHUKE THE.

UPSANHAR :

KOI CHAHE LAAKH JUGAT LAGA LE VAH PRAKRITI KE SWABHAVIK NIYAM KO NAHI TOD SAKTA .. NA ROK SAKTA HAI .. BHALE HI KUCHH SAMAY KE LIYE TAAL DE. .. HARI OM ..||

VAH SWARTHI AUR LALCHI THA FIR BHI - EK SATYA KATHA

PATR - HARIYA AUR ANYA
GHATNA STHAL - PAKUR, JHADKHAND
GHATNA SA'''MAY - SAN 2000 JUNE

YAH EK SATYA GHATNA HAI, UN DINO MAI PAKUR ME PRAVAS KBBBAR RAHA THA. HARIYA MADVADI KI PATNI BAHUT ALP KIRAYE PAR AAGRAH PURVAK, APNE MAKAN ME EK KAMARA DE DIYA.
KUCHH SAMAY VYATIT HONE KE BAD USKI BADI LADKI APNE SASURAL SE AAYI. VAH GARBHVATI THI.
EK RAAT EK GHATNA HUI -'''''
RAAT KE KARIB 10 BAJE KISI NE MERE KAMRE KI D'''''''''''ARVAJE PA''mmmR DASTAK DI. MAI    HRATRIKALIN SASHNA KE BAD VISHRAMCHIT HUA THA.
MAI UTHKAR DARVAJA KHOLA TO SAMNE HARUYA MADVADI '''']]KKKHADE THE .. BADE VINIT BHAV  ME DAANT NIPORTE HUE BOLE -''KRIPA KIJIYE MAHAR   ''''''''AJ, MERI PUTRI KA CHHAH MAAH KA GARBH GIR JAYEGA, ASPATAL JANE KE LIYE KOI VAHAN BHI NAHI HAI AUR MUJHE BHAY HAI KI, ASPATAL LEKAR CHALA TO RASTE ME HI GARBHPAT HO JAYEGA.''
MUJHE YAAD AAYA KI, GARBHPAT NIRODHAK PUSHPBAAN MERE PAAS HAI. IS PUSHPBAAN KE BARE ME MUJHE ASAM-HIMACHAL YATRA KE DAURAN EK DIVYA SADHU KE DWARA JANKARI MILI THI. US DIVYA PURUSH NE BATLAYA THA KI, SIDDHA KIYA HUA PUSHPBAAN DHARAN KARVA DENE SE GIRTA HUA GARBH STHIR HO JATA HAI AUR GARBH ME NAU MAAS TAK SSHISHU KA SAMUCHIT VIKAS HONE KE UPRANT SWASTH SHISHU KA JANMA HOTA HAI .. ITNA HI NAHI, ISKO DHARAN KARNE SE PUTRA-RATNA KI PRAPTI HOTI HAI. JO STRI GARBH DHARAN NAHI KAR PA RAHI HO .. VAH BHI ISE DHARAN KAR LE TO GARBH DHARAN KAR LETI HAI.
ASTU .. US VAKT MERE PAS YAH SAMGRI MAUJUD THI SO MAINE TURANT TANTRIK PRAKRIYA SE PUSPBAAN KO ABHIMANTRIT KAR, USKI PUTRI KE KAMAR ME DHARAN KARVA DIYA .. LAGBHAG AADHE GHANTE BAAD SABKUCHH SAMANY HO GAYA.
UNKE PARIVAR KE SABHI SADASYON KOTISHAH DHANYVAD DIYA.
SAMAY GUJARTA CHALA GAYA. EK DIN HARIYA MADVADI FIR BAHUT VINIT BHAV SE MERE PAAS AAKAR KAHA - '' MAHARAJ II MUJHE EK SIDDHA TANTRIK NE BATAYA THI KI,MERE NIVAS KE BHUMI GADI HUI KHAJANA HAI .. GURUDEV II MAINE AAPKE BARE ME KAFI CHARCHA SUN RAKHI AUR KYA MAINE TO DEKHA BHI HAI .. SO GURUDEV II IS GADI HUI KHAJANE KO NIKAL DENE KI KRIPA KARE .. MAI USME SE AADHI KHAJANA AAPKO DENE KA VACHAN DETA HUN.''
MAINE KAHA -'' BHUMIGAT SAMAGRI KI JANKARI PRAPT KARNA AUR NIKALNA TANTRA ME SARVESHVARI VIDYA KE RUP ME VIKHYAT HAI .. ISME KAFI MEHNAT HAI AUR DHAN KI RAKSHA, BHUT-PRET, VEER, NAAG AADI KARTE RAHTE HAI .. JIS KARAN UNSE LADAYI KAR MAAR DENA PADTA HAI .. INKE MARE JANE KE BAD  HI DHAN PRAPT KIYA JA SAKTA HAI .. CHUKI IS KARMA ME HATYA JAISI BATEN BHI HOTI HAI .. IS KARAN MUJHE IS KARMA ME KOI RUCHI NAHI HAI AUR MAI .. YAH KARY NA KARUNGA.''
BAS YAH SUNTE HI HARIYA MADVADI ASANTUSHTA BHAV SE UHTE AUR CHAL DIYE. ISKE BAD HARIYA MADVADI KI PATNI KA TANABAJI SHURU HO GAYA.
VAH NITYA AUR HAR VAKTA MUJHE SUNA-SUNAKAR TANE MARTI THI. JAB MERI SAHANSHILTA JAWAB DE GAYI TAB PALATVAAR JAWAB MAINE USE DE HI DALE. FIR KYA THA BAHASBAAJI SHURU HO GAYI JO BAAD ME APNA RUP VIKRITI KI OR KAR DIYA SO ..  MAINE USKA KAMRA CHHOD DENE KA NISHCHSY KAR LIYA.
MERI BAAT STHANIY PANDIT JI KO MALUM HUI AUR VE SAADAR APNE MAKAN KA EK KAMARA KIRAYE PAR DE DIYE.
 KARIB EK SAPTAH BAAD EK BUJURGA MERE PAAS AAYI AUR KAHNE LAGI -''HARIYA KI PATNI AUR MAI BACHPAN KI SAHELI HAI .. ABHI USE JINE DO .. USE MAAF KARO.''
MAINE PUCHHA KI, MAINE USKE AISA KIYA HI KYA HAI ? JISKE LIYE AAP MUJHE DOSHI THAHRA RAHI HAIN IIII
US BUJURG MAHILA NE KAHA -''JAB SE AAP NE USKA MAKAN CHHIDA HAI .. TAB SE VAH BIMAR PAD GAYI HAI .. USKE CHHTI ME BAHUT DARD RAH RAHA HAI  .. CHALNA-FIRNA TO DUR   .. USE HILNE-DULNE ME BHI KASHT HO RAHA HAI.''
MAI SOCH ME PAD GAYA -'' MAINE TO KRODH AANE PAR BHI USKE UPAR KOI TANTRA GHAT NAHI KIYE .. FIR AISI PARESHANI USKE DAIHIK KARAN SE HAI YA KARAN KUCHH AUR BHI HAI .. YAH SAMBHAV HAI KI MERI ANEK ISHT SHAKTIYAN HAI .. UNME SE HI KISI NE MERE KRODH AANE KE BAAD USPAR AAKRAMAN KAR DIYA HO ..''
VAH BUJURG MAHILA FIR SE GIDGIDA RAHI THI - '' AAP USKO MAAF KAR DO ... ... ''
MAINE VICHAR KIYA - '' AISI SAMASYA KA NIVARAN ' KOP SHAMAN KAVACH' HI KAR SAKTA HAI.''
ASTU MAINE USE ''KOP SHAMAN KAVACH'' DETE KAHA -'' JAO IS DURLABH KAVACH KO  AAPNI SAHELI GALE ME DAAL DENA VAH SWASTH HO JAYEGI.''
YAH KAVACH  KISI BHI PRAKAR KE KOP KO SHANT KAR DETA HAI CHAHE .. GRAH KA KOP HO .. YA KISI TANTRIK KA KOP CHAHE DAIVIKK HO YA BHUT-PRETON KA KOP .. SHANT HO JATA HAI.
AGALE DIN VAH BUJURG MAHILA BADI PRASHNA MUDRA ME AAKAR CHARNO PAR GIR PADI AUR KAHNE LAGI -'' AAP KI BAHUT-BAHUT KRIPA IIII MERI SHELI AB THIK HO GAYI ..'' USNE AISA KAHKAR YATHESHT DAKSHINA DRAVYA PRADAN KARTI HUI, VAAPAS CHALI GAYI.

UPSANHAR :
KISKI ISHT SHAKTI AGLE VYAKTI PAR KAISA PRABHAV DALEGI .. YAH SIDDHA KE AACHRAN AUR VICHARDHARA PAR NIRBHAR KARTI HAI.